ەلباسى مالىمدەمە جاسادى

533
0
بولىسۋ:

مەملەكەت باسشىسىنىڭ قازاقستان ازاماتتارىن سيرييادان ەۆاكۋاتسييالاۋ جونىندەگى گۋمانيتارلىق شارانىڭ اياقتالۋىنا بايلانىستى مالىمدەمەسى

بيىلعى 6 قاڭتاردا مەنىڭ تاپسىرمام بويىنشا قۇقىق قورعاۋ ورگاندارى مەن سىرتقى ىستەر مينيسترلىگى جۇرگىزگەن گۋمانيتارلىق شارا ناتيجەسىندە سيرييادان 47 ازاماتىمىز, سونىڭ ىشىندە 30 بالا ەلىمىزگە قايتارىلدى.

ولار داعدارىس جايلاعان ەلگە الدانىپ بارىپ, تەرروريستەردىڭ تۇتقىنىندا بولدى. قازاقستانعا كەلگەن سوڭ ايەلدەر مەن بالالارعا مەملەكەت تاراپىنان بارلىق كومەك كورسەتىلدى. وسىنداي اۋىر جاعدايعا ۇشىراعان بۇل كىناسىز جانداردىڭ قۋانىشىندا شەك جوق. ولار بىر اي بويى بەيىمدەۋ ورتالىعىندا بولىپ, قاجەتتى مەديتسينالىق كومەك الادى. اتقارىلعان جۇمىس مۇنداي كەلەڭسىز جاعدايلاردىڭ الدىن الۋعا سەپتىگىن تيگىزەدى.

قازاقستان وز ازاماتتارىنا قاي جەردە جۇرگەنىنە قاراماستان اردايىم قولداۋ كورسەتەدى. بىزدىڭ نەگىزگى مىندەتىمىز – ەلىمىزدىڭ قاۋىپسىزدىگىن, حالقىمىزدىڭ بەرەكە-بىرلىگى مەن تۇتاستىعىن قامتاماسىز ەتۋ. قاقتىعىس ايماعىندا ەرىكسىز جۇرگەن بالالاردى قايتارۋ جونىندەگى جۇمىستاردى جالعاستىرا بەرەتىن بولامىز.

بولىسۋ:

پىكىر جازۋ


*