الماتىلىق قىز اقش-تىڭ باعدارلاماسىنا تۇستى

270
0
بولىسۋ:

10 جاستاعى سوفي ماناسيان Nickelodeon كومانداسىنا Lip Sync Battle Shorties بالالار شوۋىنا قاتىسۋ مۇمكىندىگى ۇشىن العىس بىردىردى. بۇكىلالەمگە تارايتىن شوۋ اقش-تا ەفيرگە جۇما كۇنى كەشكى 19:00-دە شىعادى. قازاقستاندىقتار شوۋدى 12-قاڭتاردا 09:00-دە كورە الادى.

«Nickelodeon كومانداسىنا كاسىبي بىلىكتىلىگى ۇشىن العىس بىلدىرەمىن. ار ەلدىڭ بالالارىنا ۇلتى مەن تىلى, دىنىنە قاراماستان وسى شوۋعا قاتىسىپ, جۇلدىزداي جارقىراۋعا مۇمكىندىك بەرگەنى ۇشىن مىڭ راقمەت. انام سوندا تۇسۋىم ۇشىن قولىنان كەلگەنىن جاسادى. ماعان ول ۇشىن تىل ۇيرەنۋ قاجەت ەدى. بۇل ەستەن شىقپايتىن تاجىريبە بولدى. امەريكالىقتار ۇشىن مەنىڭ اكتسەنتىم سەزىلىپ تۇردى. الى دە كوپ ازىل مەن قالجىڭداردى تۇسىنە بەرمەيمىن. ۇيرەنىپ السام, بۇدان دا ۇلكەن بيىكتەرگە جەتەمىن! Nickelodeon ارناسىن كورىڭىزدەر», – دەپ جازعان Instagram پاراقشاسىندا.

سوفي ماناسياندى كەز كەلگەن قازاقستاندىق بىلمەۋى مۇمكىن ەمەس. سەبەبى, ول كوشەدەگى بيلبوردتاردا عانا ەمەس, دۇكەندەردەگى جارنامالىق پلاكاتتاردا دا بەينەلەنگەن. جاس تا بولسا تسيرك ارەناسىنان كورىنىپ, تۇرلى حالىقارالىق بي بايقاۋلارى مەن ان فەستيۆالدارىنا قاتىسىپ, يتالييا, رەسەي, اۆسترالييا, اقش ەلدەرىندە قازاق حالقىنىڭ نامىسىن قورعاپ, جەڭىمپاز اتانعان. 7 جاسىندا كارنەگي-حوللدا قازاقتىڭ حالىق بيى – «اققۋدى» بيلەگەن قىز, قازىر اقش-تا دارىندى بالالارعا ارنالعان ونەر مەكتەبىندە وقيدى. تىپتى حورەوگرافييا بويىنشا يۋنەسكو-نىڭ مۇشەسى, ەۋروۆيدەنيەنىڭ ارنايى قوناعى بولعان, «ۇلتتىق مادەنيەتكە سىڭىرگەن ەڭبەگى» گراموتاسىمەن ماراپاتتالعان.

«ايكىن اقپارات»

بولىسۋ:

پىكىر جازۋ


*