تىسى جوقتىڭ – ىسى جوق

566
0
بولىسۋ:

نۇرلان نىعماتۋليننىڭ توراعالىعىمەن وتكەن ماجىلىستىڭ جالپى وتىرىسىندا دەپۋتاتتار مەملەكەتتىك ورگاندار باسشىلارىنىڭ اتىنا دەپۋتاتتىق ساۋال جولدادى. ماسەلەن, «نۇر وتان» فراكتسييا­سىنىڭ مۇشەسى د.مىڭباي دەنساۋلىق ساقتاۋ مينيسترى ە.بىرتانوۆقا جۇگىنىپ, بالالار اراسىندا تىس اۋرۋى, اۋىز قۋىسى مەن جاق-بەت اۋرۋلارى كەڭ تارالعانىنا نازار اۋدارتتى.

ستاتيستيكالىق دەرەكتەرگە سايكەس, رەسپۋبليكامىزدا بالالار اراسىندا تىس جەگىسىنىڭ (كاريەس) تارالۋى 76%-دى قۇرايدى, ال بىرقاتار اۋىلدىق اۋماقتاردا بۇل كورسەتكىش 98%-عا جەتەدى ەكەن. دۇنيە­جۇزىلىك دەنساۋلىق ساقتاۋ ۇيىمى 2020 جىلعا قاراي تىس جەگىسىمەن زاقىمدالعان بالا­لاردىڭ سانى 20%-دان اسپاۋى قاجەت دەگەن ۇسىنىم بەرەدى.
ەلىمىزدە 2812 ستوماتولوگييا­لىق ۇيىم بار, الايدا سونىڭ ىشىندە تەك 12 مەملەكەتتىك مامانداندىرىلعان وبلىستىق بالالار ەمحاناسى عانا بار. 2017-2018 جىلدارى تارازدا, ورالدا جانە استانادا بالا­لار­ ستوماتولوگييالىق ەمحا­­نالارى جەكەشەلەندىرىلدى. اقتوبە وبلىسى مەن الماتى قالاسى دا جەكەشەلەندىرۋگە دايىندالىپ جاتىر.
«بالالار ستوماتولو­گييا­سى­نان ايىرىلساق – كەزىندە پەدياترييانى قىسقارتىپ تاستا­عانداي جاعدايعا دۋشار بولامىز. ونىڭ سالدارىن كورەسىدەي كوردىك. بالالار ستوماتولوگيياسىنىڭ بىرقاتار ەرەكشەلىكتەرى بار, وعان مامان­دانۋ قاجەت, ەرەسەكتەردى ەمدەي­تىن كەز كەلگەن دارىگەر بالا­لار­دى ەمدەي المايدى», – دەگەن دەپۋتات مينيسترگە ستو­ما­­­تولوگ­تىڭ بالالار مەن جاس­وسپى­رىم­دەردى باقىلاۋىنىڭ ديس­پان­­سەرلىك ادىسىن قالپىنا كەلتىرۋدى, مەكتەپتەردى, مەكتەپ­الدى مەكەمەلەردى ستو­ماتو­لوگييالىق قىزمەتپەن تولىق قامتاماسىز ەتۋ ۇشىن زاما­ناۋي جىلجىمالى ستوما­تو­لوگييالىق كابينەتتەردى ەندىرۋ جونىندە باعدارلاما ازىرلەۋدى ۇسىندى.
دەپۋتاتتىڭ ايتۋىنشا, بالالارىنىڭ تىستەرىن ەمدەتۋ ۇشىن اتا-انالار شالعايدان كەلەدى, سوعان قاراماستان ەمدەۋدەن گورى اۋىرعان تىستەردى جۇلىپ تاستاۋ كەڭ ەتەك العان. سالدارىنان, 35-44 جاستىڭ وزىندە ەكىنشى قايتارا ادەن­تيياعا ۇشىراۋ (ياعني, تىستەردەن كەيىنگى ايىرىلۋ) اۋىل تۇرعىن­دارىنىڭ 40%-دان استا­مى­نىڭ باسىنداعى جاعدايعا اينالعان. بۇل – سايىپ كەلگەندە, حالىق­تىڭ ومىر سۇرۋ ۇزاقتى­عىنا اسەر ەتەدى.
«نۇر وتان» فراكتسيياسىنىڭ مۇشەسى ق.كاراكەن ۇكىمەت باسشىسى ب.ساعىنتاەۆقا دەپۋتاتتىق ساۋال جولداپ, قاۋىپ­تى ارى ۋلى قالدىقتاردى كادەگە جاراتۋ جايىن كوتەردى. اسىرەسە, ونىڭ ايتۋىنشا, بۇل پروبلەما باتىس قازاقستانداعى ىرى كەن ورىندارى اينالاسىندا ورشىپ تۇر.
«وسىعان وراي كومىرسۋتەگى شيكىزاتىن دەمەركاپتينيزا­تسييالاۋ كەزىندە قالدىقسىز تەحنولوگييالاردىڭ قولدانى­لۋىن قاراستىرۋدى جانە مۇناي وندىرۋ سالاسىنا تەحنولوگييالار ترانسفەرتىنە باقىلاۋدى كۇشەيتۋدى سۇرايمىز», – دەدى دەپۋتات.

ايحان شارىپ

بولىسۋ:

پىكىر جازۋ


*