زاڭگەرلىك كومەك» جوباسى تالقىلاندى

357
0
بولىسۋ:

«نۇر وتان» پارتيياسىنىڭ رەسپۋبليكالىق قوعامدىق قابىلداۋ بولمەسىندە «زاڭگەرلىك كومەك» پارتييالىق جوباسىن جۇزەگە اسىرۋ بويىنشا قازاقستان زاڭگەرلەر وداعىنىڭ ۇيىمداستى­رۋىمەن دوڭگەلەك ۇستەل وتتى.

باسقوسۋعا قازاقستان زاڭگەرلەر ودا­عىنىڭ اتقارۋشى ديرەكتورى ا.اقجانوۆ, رەسپۋبليكالىق ادۆوكاتتار القاسىنىڭ اتقارۋشى ديرەكتورى ا.راقىموۆا جانە پارتييانىڭ ايماقتىق فيليالدار باس­شىلارى مەن قوعامدىق قابىلداۋ بول­مەلەرىنىڭ مەڭگەرۋشىلەرى قاتىستى.
جيىندى «نۇر وتان» پارتيياسى رەس­پۋبليكالىق قوعامدىق قابىلداۋ بولمە­سىنىڭ مەڭگەرۋشىسى باقىت تەمىروۆا اشتى.
ەلباسىمىز ن.نازارباەۆتىڭ باس­شىلىعىمەن «نۇر وتان» پارتيياسى قاشان­دا جاڭا ويلار مەن تىڭ باستا­ما­لارعا مۇرىندىق بولىپ كەلەدى. پارتييا­نىڭ ارالاسۋىمەن ەل يگىلىگىن كوزدەگەن تا­لاي ىرگەلى ىستەر قولعا الىندى. بۇل ىستەر­دىڭ ارتىندا قوعام مۇددەسى, حالىق­تىڭ تالابى جاتقانى بارىمىزگە بەلگىلى. جو­با وتكەن جىلى رەسپۋبليكالىق قوعام­دىق قابىلداۋ بولمەسىندە سىناقتان ساتتى وتىپ, حالىق اراسىندا جوعارى سۇرا­نىسقا يە بولدى. قۇقىقتىق كومەك الۋ­شى­لاردىڭ باسىم بولىگى – قارجى تولەۋ مۇمكىندىگى جوق ازاماتتار. جوبانى ىسكە اسىرۋ بارىسىندا, قازاقستان زاڭگەرلەر وداعىنىڭ وكىلدەرىمەن 2018 جىلى 81 قابىلداۋ وتكىزىلىپ, وندا 224 ازامات قابىلداندى. ولارعا 62 قۇقىقتىق جازباشا كومەك كورسەتىلىپ, 18-نە سوتتا قۇقىقتىق سۇيەمەلدەمە جاسالدى. بۇگىنگى كۇندە ەلىمىزدە پارتييانىڭ 231 قوعامدىق قابىلداۋ بولمەسى, ونىڭ ىشىندە 17 ايماقتىق, 213 اۋماقتىق قوعامدىق قابىلداۋ بولمەلەرى قىزمەت اتقارىپ كەلەدى. سونىمەن قاتار ازاماتتارعا كەڭىنەن زاڭگەرلىك, قۇقىقتىق كەڭەس بەرۋ ماقساتىندا «نۇر وتان» پارتيياسىندا ازاماتتاردىڭ قابىلداۋلارى تۇراقتى تۇردە ۇيىمداستىرىلادى, – دەدى ول.
كەزدەسۋ بارىسىندا ابدىكارىم اقجانوۆ جۇمىستىڭ ماقساتى مەن شارتى جايىندا تولىعىراق ايتىپ وتتى.
– بۇل جوبا قازاقستاندا العاش رەت جۇ­زەگە اسىرىلىپ وتىر. جۇمىستىڭ ماق­ساتى – حالىقتىڭ الەۋمەتتىك تۇرعىدان الجۋاس توپتارىنا اقىسىز نەگىزدە زاڭ كومەگىن كورسەتۋ. جوبا اياسىندا تەك اۋىز­شا زاڭدىق كومەك كورسەتىلمەيدى. بۇل توپ­تىق كەشەندى زاڭگەرلىك كومەك, زاڭ­گەر­لىك قولداۋ كورسەتۋدەن باستاپ, ىستى با­سى­نان اياعىنا دەيىن جەتكىزۋ قاراستىرىلعان. وسىنداي قۇقىقتىق كومەك كورسەتۋ تاسىلى سوت تورەلىگىنە قول جەتكىزۋىن قامتاماسىز ەتۋ ارقىلى زاڭ الدىندا تەڭدىكتى, ادۆوكات كورسەتەتىن قۇقىقتىق كومەكتىڭ جانە سوتتا ادىل تالقىلانۋىنا نەگىزدەلگەن, – دەدى ا.ارىنۇلى.
ىس-شارا اياسىندا پارتييانىڭ ايماقتىق فيليالدارىنا «زاڭگەرلىك كومەك» پارتييالىق جوباسىن جۇزەگە اسىرۋ بويىنشا ادىستەمەلىك جانە تاجىريبەلىك ۇسىنىستار ايتىلىپ, تالقىلانعان ماسەلە بويىنشا سۇراقتارعا جاۋاپ بەرىلىپ, شەشىم قابىلداندى.

ابىلايحان جۇماش

بولىسۋ:

پىكىر جازۋ


*