پوليتسييا رونالدۋدىڭ قىز زورلاۋ ىسىنە قاتىستى وردەر جارييالادى

278
0
بولىسۋ:

لاس-ۆەگاس پوليتسيياسى پورتۋگالييا قۇراماسى مەن تۋريندىك «يۋۆەنتۋس» كومانداسىنىڭ شابۋىلشىسى كريشتيانۋ رونالدۋدىڭ دنق-سىن انىقتاۋعا قاتىستى وردەر بەردى. فۋتبولشى قىز زورلادى دەگەن كۇدىككە ىلىنىپ وتىر.

The Wall Street Journal باسىلىمىنىڭ مالىمەتىنشە, اقش پوليتسيياسى ايىپتالۋشى كەترين مايورگيدىڭ كويلەگىنەن تابىلعان گەنەتيكالىق ماتەريالمەن فۋتبولشى دنق-سىنىڭ قانشالىقتى سايكەس كەلەتىنىن انىقتاماق.

رونالدۋ قازىرگى كەزدە يتالييانىڭ ا سەريياسىندا ونەر كورسەتىپ جۇرگەندىكتەن اقش پوليتسيياسى بىراز ۋاقىت بۇرىن عانا يتالييانىڭ سوت جۇيەسىنە وردەر جىبەرگەن.

رونالدۋدىڭ قىز زورلاعانى تۋرالى اقپاراتتار بۇعان دەيىن دە پايدا بولعان. الايدا فۋتبولشى بۇل قاۋەسەتتى تۇبەگەيلى جوققا شىعارعان بولاتىن. 2018 جىلدىڭ قىركۇيەك ايىندا نەمىستىڭ Spiege جۋرنالى مايورگانىڭ رونالدۋدى ايىپتاپ وتىرعانىن جارييا ەتتى. باسىلىم تاراتقان اقپار بويىنشا, 2010 جىلدىڭ قاڭتار ايىندا فۋتبولشى زارداپ شەككەن قىزعا 375 مىڭ دوللار تولەگەن.

سوتتان تىس شارتتارعا سۇيەنسەك, تاراپتار بولعان جاي تۋرالى تىسجارماۋ جايىندا وزارا كەلىسىم جاساسقان. كەلىسىم بويىنشا مايورگا ايىپتاۋىن قايتىپ الۋى تيىس بولعان. كەيىنىرەك لاس-ۆەگاس پوليتسيياسى رونالدۋدىڭ قىز زورلاۋىنا قاتىستى ىستى قايتا جاڭعىرتاتىنىن مالىمدەدى. ال فۋتبولشى بۇل اقپاراتتى قايتا-قايتا جوققا شىعارۋمەن كەلەدى.

اباي ايماعامبەت

بولىسۋ:

پىكىر جازۋ


*