КӘСІБИ ӨСУДІҢ МҮМКІНДІГІ ҚАЙДА ДЕСЕҢ…

2815
0
Бөлісу:

«Қазақстан темір жолы» ұлттық компаниясы мен еншілес ұйымдарында 52 мың жас  жұмыс істейді. Олар компаниядағы кадрлардың 39 пайызын құрайды. Осы жастардың кәсіби және тұлғалық өсуіне компания бар жағдайды жасап отыр. Бұл жөнінде «ҚТЖ» ұлттық компаниясының жастар саясатына арналған баспасөз мәслихатында айтылды.

– Мемлекет басшысы Қазақ­стан халқына арнаған Жолда­уын­да 2019 жылды – Жастар жылы деп жариялады. Компания 2009 жылдан бері жас кадрлардың инновациялық әлеуетін дамы­тып, кәсіби, тұлғалық өсуі үшін Жастар саясаты бағдарламасын сәт­ті жүзеге асырып келеді, – деді «ҚТЖ» ҰК» АҚ басқарма төра­ғасының корпоративтік мәсе­лелер жөніндегі орынбасары Серік Әбденов.
Оның айтуынша, аталған бағ­дарламаны жүзеге асыру бары­­­сында теміржол саласы үшін жас мамандарды даярлауға ерекше назар аударылады. Мәсе­лен, жыл сайын жақсы және өте жақсы үлгеріммен оқып жүр­ген­дерге Компания Басқарма төра­ға­сының атаулы стипендиясы және «Магистраль» бағдарлама­сы­мен оқуға білім гранты таға­йын­далады. Соңғы 3 жылда «Маги­страль» бағдарламасы бо­йын­ша 60 білім гранты және 33 атау­лы стипендия берілген.
– Компания жұмысына жас мамандарды тарту үшін болаша­ғы­нан үміт күттіретін жастар жұмысқа тартылады. Мәселен, 2016 жылдан бастап компания кәсіпорындарына Қазақ көлік және коммуникация академия­сы­ның 240 түлегі жұмысқа орна­лас­ты. Сонымен бірге, салалық мамандықтар бойынша арнайы орта және жоғары оқу орындары шәкірттерінің өндірістік тәжіри­бе­ден өтуіне де мүмкіндік бере­міз. Бұл ретте 2016 жылдан бастап 6 мыңнан астам шәкірт өндірістік тәжірибеден өтті. ҚазККА-ның үлгерімі жоғары студенттерінің өндірістік тәжірибесін ақылы еттік. Өткен жылы академияның 53 студентіне 2,9 млн теңге сти­пен­дия төленді. Теміржол сала­сын­дағы жұмыстың тартым­ды­лы­­ғын жақсартып, кадрлық әле­уетті нығайту үшін компания қыз­­меткерлерінің баспана мәсе­ле­сін шешу міндетін де компания мой­нына алған, – деді С.Әбде­нов.
Компанияның Жастар сая­саты бағдарламасын жүзеге асы­ру шеңберінде жыл сайын рес­пуб­ликалық жастар форумы, «Сен болмасаң, кім?» жастар корпоративтік лагері сессиялары, «Жас кәсіби маман» жастар сый­лы­ғы байқауы, «Жоба-менед­ж­мент» өңірлік инновациялық бай­­қау­лары өткізіледі. Бұл бай­қау­­ларға жыл сайын компа­ния­ның 1600 жас қызметкері қаты­са­ды екен. Конкурс кезінде жас ино­ваторлар ақпараттық техно­ло­гиялар, цифрландыру, ұқып­ты­лық өндірісі, еңбекті қорғау, тасымал қауіпсіздігі сияқты бағыттар бойынша компания жұмысын жақсартуға бағыттал­ған бизнес идеяларын таныс­ты­руға мүмкіндік алады. Еліміздің 16 өңірінде өтетін бұл байқаудың үздіктері Астанадағы Жастардың республикалық форумына қаты­су мүмкіндігіне ие болады екен. Аталған форум өңірлік деңгейде өткізілетін барлық конкурстар мен іс-шаралардың қорытынды кезеңі саналады. Ал респуб­ли­ка­лық форум шеңберінде жыл бойы жүргізілген жұмыстың қоры­тындысы шығарылады. 2010 жылдан бері 2000 жас темір­жол­шы республикалық форумға қаты­сып, нәтижесінде 70-і қыз­мет­те көтерілсе, екеуі шетел­дік уни­верситеттердің оқу грантына ие болды.
2018 жылдың 4 желтоқса­нын­да Жастардың ІХ республикалық форумында «ҚТЖ» ҰК» АҚ Бас­қар­ма төрағасы Сауат Мың­баев «ҚТЖ 100 жас тұлға» жобасының іске асқанын жариялады. Биыл жыл бойы Worldskills Hi-tech чем­­пионатына қатысуға, халық­ара­лық тәжірибеден өтуге және МВА бағдарламасымен оқуға мүмкіндік алатын компанияның тиімді де жоғары әлеуетті 100 үздігі анықталады.
Ал «Жас маман» жастар сый­лы­ғы өз саласының үздіктерін анықтайды. Байқау үздік жолшы, бай­ланысшы, жолсерік, вагон­шы, қозғалысшы, экономист сияқ­ты 24 аталым бойынша өте­ді. Еліміз­дің әр өңірінде тұра­­тын компа­ния­ның жас қызметкерлері ара­сын­да тиімді коммуни­ка­ция­ны қамтамасыз ететін Zhas­temir.kz әлеуметтік желісі жұмыс істейді. Бұл желіні 9000 жас пайда­ланады.

Айдана БЕГІМ

Бөлісу:

Пікір жазу


*