قازاقستان جاستارىنا ۇندەۋ حات

1704
0
بولىسۋ:

23 قاڭتار كۇنى استانا قالاسىنداعى «نۇر الەم» پاۆيلونىندا «تاۋەلسىزدىك ۇرپاقتارى» اتاۋىمەن جاستار جىلىنىڭ سالتاناتتى اشىلۋى ەلباسى ن. ا. نازارباەۆتىڭ قاتىسۋىمەن وتكەن بولاتىن. جيىنعا 34 جاسقا دەيىنگى ماركەتينگ, اگروونەركاسىپ, يننوۆاتسييا, تەحنولوگييا, بىلىم بەرۋ, ىت, مەتاللۋرگييا, ەنەرگەتيكا, سپورت, شەتەلدەگى قازاقتار, ادەبيەت, ونەرتاپقىشتار, كوپ بالالى انا, مادەنيەت جانە ت.ب. سالالارىندا وراسان جەتىستىكتەرگە جەتكەن جاستار اتالمىش جيىنعا قاتىسىپ, وزدەرىنىڭ ۇسىنىستارى مەن جەكە پىكىرلەرىن بارشا قازاقستاندىقتارعا جەتكىزە وتىرىپ, جالىندى جاستاردى بىرىگىپ جۇمىس ىستەۋگە شاقىردى. وسىنداي ۇرانداتىلعان جيىننان سوڭ رەداكتسييامىزعا حابارلاسقان جاستاردىڭ قاتارى كوپ بولدى. كوبىسى سول جيىندى تەلەديدار ارقىلى تاماشالاعانىن ايتىپ, وزىنشە دەمەۋلەرىن بىلدىرتكەن. سولاردىڭ قاتارىندا مادەنيەت جانە سپورت سالاسىندا قىزمەت ەتىپ جۇرگەن جاستار. ەلباسىنا جانە جاستارعا ارنالعان ۇندەۋ حاتىن تولىق نۇسقاسىندا بەرگەندى جون كوردىك.

 

اسا قۇرمەتتى نۇرسۇلتان ابىشۇلى جانە قازاقستاننىڭ بولاشاق بەتكە ۇستار جاستارىنا ۇندەۋ حات!

سىز «قازاقستاندىقتاردىڭ ال-اۋقاتىنىڭ وسۋى: تابىس پەن تۇرمىس ساپاسىن ارتتىرۋ» اتتى جولداۋىڭىزدا 2019 جىلدى جاستار جىلى دەپ اتاپ كورسەتكەن ەدىڭىز. جاستار جىلىنىڭ جارييالانۋى ەلىمىزدىڭ دامۋى مەن وركەندەۋىنە ۇلەس قوسۋعا نيەتتى جاستار ۇشىن ۇلكەن سەرپىلىس سىيلادى.
سىزدىڭ قاتىسۋىڭىزبەن اشىلعان جاستار جىلى جۇرەگىمىزگە جىگەر بىتىرىپ, رۋحىمىزدى اسپانداتتى. جاستار جىلى اياسىندا اۋقىمدى شارالاردىڭ جانىنان تابىلىپ, بىرەگەي باستامالاردى جۇزەگە اسىرۋعا ازىرمىز. جاستار جىلى ەلىمىزدەگى جاس بۋىن وكىلدەرىنىڭ تۇلعا بولىپ قالىپتاسۋىنا, ار سالاداعى ۇزدىك ساڭلاقتاردى, وز ىسىنىڭ بىلىكتى ماماندارىن  تانىتۋعا سەپتىگىن تيگىزەدى دەپ سەنەمىز.
جاستار – قوعامنىڭ باستى قوزعاۋشى كۇشى. جاستار – ەلىمىزدىڭ بولاشاعى. ەلىمىز ەگەمەندىككە قول جەتكىزگەن تۇستان باستاپ وسى قاعيدانى بەرىك ۇستاندى. جاستاردىڭ مەملەكەت دامۋى مەن وركەندەۋىندەگى باسىمدىلىققا يە ورنىن انىقتاي وتىرىپ, جاستاردى قولداۋدىڭ تۇرلى باعدارلامالارى قابىلداندى جانە وزىنىڭ جەمىستى ناتيجەسىن بەردى دەپ ايتۋعا تولىق نەگىز بار. ونداي مەملەكەتتىك باعدارلامالار قاتارىندا جاستاردىڭ وزىق ەلدەردىڭ تاجىريبەسى مەن بىلىمىن يگەرۋگە كۇش جۇمساعان «بولاشاق» باعدارلاماسى جانە دە «جاستار پراكتيكاسى», «جاسىل ەل», «ديپلوممەن اۋىلعا!», «جاستار كادرلىق رەزەرۆى», «مەملەكەتتىك قىزمەت مەكتەبى», «جاستار – وتانعا!» اتتى مەملەكەتتىك باعدارلامالار ىسكە اسىرىلۋدا. بۇل ەگەمەندىكتىڭ العاشقى كۇندەرىنەن اق جاستار ماسەلەسىنىڭ مەملەكەت نازارىنان تىس قالماعاندىعىنىڭ باستى دالەلى.
2019 جىل – وسى تاريحي ساباقتاستىقتىڭ زاڭدى جالعاسى رەتىندە «جاستار جىلى» دەپ اتالدى. سوزسىز ەلباسىنىڭ جاستارعا دەگەن زور قۇرمەتى مەن ىستىق ىقىلاسى تاۋەلسىزدىك جىلدارىندا انىق بايقالىپ, ىس جۇزىندە ورىندالعانىنا جاس بۋىن كۋاگەر. اتالعان باستاما جاستارعا دەگەن سەنىم مەن جاۋاپكەرشىلىكتىڭ ايقىن كورسەتكىشى. الار اسۋىمىز, باعىندىرار بەلەستەرىمىز جانە بولاشاعىمىزدىڭ باياندىلىعى ۇشىن باعىتتالعان مەرەيلى جىل جالىندى جاستاردىڭ قالىپتاسۋىنا كوپ سەپتىگىن تيگىزەتىنىنە سەنىمىمىز مول!
اسا مارتەبەلى, نۇرسۇلتان ابىشۇلى, سىزدىڭ سارابدال ساياساتىڭىز بەن تاۋەلسىزدىك رۋحىمەن وسكەن جاستاردىڭ ەڭبەگى ەلىمىزدى جاڭا جەتىستىكتەرگە جەتەلەيتىنىنە كامىل سەنەمىز!

 

قر مادەنيەت جانە سپورت مينيسترلىگىنە قاراستى مەكەمە ۇيىمدارىنىڭ بىر توپ جاستارى:

د. ن. تىلەنديەۆا – جامبىل اتىنداعى قازاق مەملەكەتتىك فيلارمونيياسىنىڭ قىزمەتكەرى;

د. ت. بەلگىباەۆ – ت.جۇرگەنوۆ اتىنداعى قازوا وقىتۋشىسى;

ا. ج. امارگازيەۆا – «ەسىك» مەملەكەتتىك تاريحي-مادەني قورىق-مۋزەيىنىڭ قىزمەتكەرى;

د. ت. الياقپار – «سپورتتىق مەديتسينا جانە وڭالتۋ ورتالىعى» رمقك-تىڭ قىزمەتكەرى;

ا. ا. عابباسوۆا – «قازاقكونتسەرت» مەملەكەتتىك كونتسەرتتىك ۇيىمىنىڭ قىزمەتكەرى;

ا. ب. ماناپوۆا – قر مەملەكەتتىك ورتالىق مۋزەيىنىڭ قىزمەتكەرى;

ن. ن. جولدىبالينوۆ – قر ۇلتتىق اكادەمييالىق كىتاپحاناسىنىڭ قىزمەتكەرى;

ا. جۇسىپقىزى – وتىرار مەملەكەتتىك ارحەولوگييالىق قورىق-مۋزەيىنىڭ قىزمەتكەرى;

ب. ت. رگىزباەۆا – «مەملەكەتتىك اكادەمييالىق بي تەاترى» رمقك قىزمەتكەرى;

ا. توقتاحمەتوۆا – «سپورتتى دامىتۋ ديرەكتسيياسى» رمقك-نىڭ قىزمەتكەرى;

م. امىرعاليەۆ – «تاڭبالى» مەملەكەتتىك تاريحي-مادەني جانە تابيعي قورىق-مۋزەيىنىڭ قىزمەتكەرى;

ە. ي. ساپارباەۆ – «قازاقستان كامەراتاسى» كلاسسيكالىق مۋزىكا انسامبلى» رمقك-نىڭ قىزمەتكەرى;

ە. م. ەسپولوۆا – «مادەنيەتتەردى جاقىنداستىرۋ ورتالىعى» مەملەكەتتىك مۋزەيى» رمقك قىزمەتكەرى;

ن. ن. كۋسپانوۆا – «كۇلاش بايسەيىتوۆا اتىنداعى دارىندى بالالارعا ارنالعان رەسپۋبليكالىق مامانداندىرىلعان مۋزىكالىق ورتا مەكتەپ-ينتەرناتى» قىزمەتكەرى;

ا. ب. بيراياقوۆ – «ۇلىتاۋ» ۇلتتىق تاريحي-مادەني جانە تابيعي قورىق-مۋزەيىنىڭ قىزمەتكەرى;

ك. يسمايلوۆ – «ورداباسى» ۇلتتىق تاريحي-مادەني قورىعى رەسپۋبليكالىق مەملەكەتتىك قازىنالىق كاسىپورنى قىزمەتكەرى;

م. قۇسايىنوۆا – «زاعيپ جانە ناشار كورەتىن ازاماتتارعا ارنالعان رەسپۋبليكالىق كىتاپحانا» رەسپۋبليكالىق مەملەكەتتىك مەكەمەسىنىڭ قىزمەتكەرى;

ج. ا. كورپەباەۆ – «ا. قاستەەۆ اتىنداعى قر مەملەكەتتىك ونەر مۋزەيى» رمقك قىزمەتكەرى;

ق. وماروۆ – «اباي اتىنداعى قازاق مەملەكەتتىك اكادەمييالىق وپەرا جانە بالەت تەاترى» قىزمەتكەرى;

ا. قالتاي – «قازقايتاجاڭارتۋ» رەسپۋبليكالىق مەملەكەتتىك كاسىپورنى قىزمەتكەرى;

ا. م. مۇحتارحانوۆ – «بەرەل» مەملەكەتتىك تاريحي-مادەني قورىق-مۋزەيىنىڭ قىزمەتكەرى;

ر. كەشۋباەۆا – «شاڭىراق» شاعىن اۋدانىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات-كوللەدجى» رەسپۋبليكالىق مەملەكەتتىك مەكەمەسىنىڭ قىزمەتكەرى;

ا. ساتۋبالدين – قر ۇلتتىق مۋزەيىنىڭ قىزمەتكەرى;

ج. الپىسباەۆا – ابايدىڭ «جيدەباي-بورىلى» مەملەكەتتىك مەملەكەتتىك قورىق-مۋزەيىنىڭ قىزمەتكەرى;

س. ۇ. ابدراحمانوۆ – «سالتانات» مەملەكەتتىك بي انسامبلى قىزمەتكەرى;

ج. شىلدەباەۆا – «ەجەلگى تاراز ەسكەرتكىشتەرى» تاريحي-مادەني قورىق-مۋزەيى قىزمەتكەرى;

ا. جولداسوۆ – «قر ۇلتتىق كىتاپحاناسى» قىزمەتكەرى;

ج. ت. ابيەۆا – قر ۇلتتىق مەملەكەتتىك كىتاپ پالاتاسى قىزمەتكەرى;

ا. ورىنباەۆا – «استانا بالەت» تەاترىنىڭ قىزمەتكەرى;

ب. بايبولوۆ – «ازىرەت سۇلتان» مەملەكەتتىك تاريحي-مادەني قورىق-مۋزەيىنىڭ قىزمەتكەرى;

ە. وتارباەۆ – «ع. مۇسىرەپوۆ اتىنداعى قازاق مەملەكەتتىك اكادەمييالىق بالالار مەن جاسوسپىرىمدەر تەاترىنىڭ قىزمەتكەرى.

بولىسۋ: