Трендтерді таныстырды

228
0
Бөлісу:

«Нұр Отан» партиясы Орталық аппараты ғимаратында халықаралық ІТ мектептер мен «Балаларға арналған тегін ІТ сыныптар» партиялық жобасының қатысушыларымен телекөпір ұйымдастырылып, мектеп оқушылары Кремний алқабының сарапшыларымен, қызметкер­лерімен және студенттерімен жақынырақ танысуға мүмкіндік алды. Іс-шараға бейнеконферен­ция байланысы бойынша Қазақ­станның барлық аймағы қосылды.

Телекөпір ұйымдастырушылары атынан «Нұр Отан» партиясының хат­шысы Илья Теренченко және партияның Саяси басқару академиясы директо­рының орынбасары Сәуле Бақтымбет «Балаларға арналған тегін ІТ сыныптар» жобасы туралы айтып өтті. Атап айтқанда, олар цифрландыру дәуірінде талантты балаларды қолдау мәселесі бойынша партияның қандай ұстанымдарға бағы­натынын көрсетті.
Жиында телекөпір қатысушылары «Болашақтың әлемі бүгін: цифрлы ойлау мен ІТ технологиялар» тақырыбын тал­қылады. Телекөпір құралдары бойынша АҚШ-тың жетекші ЖОО мен ІТ индус­триясының өкілдері байланысқа шықты. Стенфорд университетінің докторанты, биотехнология маманы, Стэнфорд университетінің молекулярлық биология мен эмбриология саласы бойынша ғылым кандидаты, Кремний алқабындағы биомедицина бойынша сарапшы, Smart Lens негізін қалаушылардың бірі – Нұрлыбек Мұрсалиев ІТ оқытудағы жаңа тәсілдер мен заманауи бағдарламалар туралы әңгімелеп, ары қарай оқыту және білімді қолдану тәжірибесімен бөлісті. Пенсильвания штаты университетіндегі компьютерлік ғылым факультетінің профессоры Мейрам Мырзаболатов әлемдік компаниялардың зерттемелерін мысалға ала отырып, цифрландыру саласындағы инновациялармен, ІТ саладағы жаңа трендтермен таныстырды.
Google компаниясының бағдарла­машысы Тілек Мамытов кездесу кезінде Search, Gmail, YouTube, Chrome және әуе шарларындағы интернет секілді бағдар­ламалар мен өнімдермен жұмыстарды қосқанда, 11 жыл бойы Google және Google Х жобаларына бас­шылық жаса­ғанын, сондай-ақ Ор­талық Азиядан Google компаниясына жұ­мысқа қабыл­данған алғашқы түлек екенін айтты.
«Балаларға арналған тегін ІТ сынып­тар» партиялық жобасының қатысушы­ларына арналған шеберлік сағаты бала­лардың цифрлы ойлауын қалыптастыруға, ІТ машықтарын дамыту мен оқытуға еліктеуіштік пен қызығушылығын арттыруға, үздіксіз технология мен ІТ технологияларға қабілетті қазақстан­дықтардың жаңа буынын түрлендіруге бағытталды.

Абылайхан ЖҰМАШ

Бөлісу: