تاسادان تاس اتپاۋعا شاقىردى

616
0
بولىسۋ:

«نۇر وتان» پارتيياسىنىڭ 20 جىلدىعىنا وراي وتكىزىلەتىن پارتييا سەزدى قارساڭىندا تۇركىستان قالاسىندا «نۇر وتان» پارتيياسى تۇركىستان قالالىق فيليالىنىڭ كەزەكتەن تىس كونفەرەنتسيياسى وتتى. جيىننىڭ كۇن تارتىبىندە تورت ماسەلە قارالىپ, تالقىلانسا, جارىسسوزگە شىققاندار ۇسىنىستارىن جەتكىزدى.

كونفەرەنتسيياعا «نۇر وتان» پارتيياسى تۇركىستان وبلىستىق فيليالى توراعاسى­نىڭ بىرىنشى ورىنباسارى نۇرمۇحان جول­داسوۆ پەن تۇركىستان قالاسىنىڭ اكىمى الىپ­بەك وسەرباەۆ, وبلىستىق جانە قالا­لىق ماسليحات دەپۋتاتتارى مەن باستاۋىش پارتييا ۇيىمدارى جانە «جاس وتان» جاستار قاناتىنىڭ مۇشەلەرى مەن پارتييانىڭ بەلسەندىلەرى قاتىستى.
كونفەرەنتسييادا ا.ياساۋي اتىنداعى حقتۋ-نىڭ پروفەسسورى بەكجىگىت سەردالى پرەزيدەنتتىڭ «قازاقستاندىقتاردىڭ ال-اۋقاتىنىڭ وسۋى: تابىس پەن تۇرمىس ساپاسىن ارتتىرۋ» اتتى 2018 جىلعى 5 قازانداعى جولداۋىن ىسكە اسىرۋ بارىسى تۋرالى بايانداما وقىدى. سونىمەن قاتار ۋنيۆەر-سي­تەتتىڭ ستراتەگييالىق جوسپارلاۋ, رەيتينگ جانە ساپا ورتالىعىنىڭ جەتەكشىسى, «تۇ­ران» باستاۋىش پارتييا ۇيىمىنىڭ تور­اعا­سى جانالى دارىباەۆ: «نۇر وتان» پار­تييا­سى­نىڭ 20 جىلدىعى. جاسامپازدىق جانە الەۋ­مەتتىك دامۋ كەزەڭى» بويىنشا سوز سويلەدى.
«پارتييامىزدىڭ باعدارلامالىق ۇستا­نىمىنىڭ دۇرىستىعىن ۋاقىت كورسەتىپ بەردى جانە ناقتى ىستەرمەن دالەلدەندى. پارتييا بارلىق سىناقتارعا دەر كەزىندە نازار اۋدارىپ, وز باعدارلاماسىن جەتىل­دىرىپ وتىردى. بىرىگىپ وزىمىزدى دە, ەلىمىزدى دە وزگەرتە الدىق. بىراق قول جەتكەنگە اري­نە, توقمەيىلسىپ, توقتاپ قالۋعا بولمايدى» دەدى ول. وسى تۇرعىدا پارتييا حالىققا ۇلگى كورسەتىپ, قوعامدىق سانانى جاڭعىرتۋ الدىندا جۇرۋى تيىس ەكەنىن دە ايتتى.
پارتييالىقتاردىڭ باسقوسۋىندا «نۇر وتان» پارتيياسىنىڭ 2030 جىلعا دەيىنگى باعدارلاماسى جوباسىنىڭ نەگىزگى ەرەجە­لەرىن تالقىلاۋ بويىنشا قالالىق پارتييا فيليالى توراعاسىنىڭ بىرىنشى ورىن­با­سارى الماسبەك تەمىرباەۆتىڭ بايانداماسى تىڭدالدى. «تاياۋ ونجىلدىق بىزدىڭ پارتييا ۇشىن ەل يگىلىگىنە بۇدان دا بەلسەندى جۇمىس ىستەۋ كەزەڭى بولماق. نۇروتاندىقتار حالىقتىڭ ۇمىتتەرىنە ساي بولۋ ۇشىن بارىمىزدى سالىپ جۇمىس ىستەۋىمىز كەرەك. پارتييانىڭ باعدارلاماسى اياسىنداعى بەلسەندى جۇمىس, ەلىمىزدىڭ اربىر تۇرعىنى جايلى ومىر سۇرۋ, دامۋ جانە وزىن-وزى جۇزەگە اسىرۋ ۇشىن بارلىق مۇمكىندىكتەرگە يە بولاتىن ال-اۋقاتتىق قوعامىن قۇرۋعا مۇمكىندىك بەرەدى» دەدى ول.

جارىسسوزدە سويلەگەن پارتييا ارداگەرى, تۇركىستان قالالىق ارداگەرلەر كەڭەسى توراعاسىنىڭ ورىنباسارى پەرنەتاي دوسىبەكوۆ اقساقال قالالىق ارداگەرلەر كەڭەسىندە 10 548 ارداگەر بار بولسا, سولاردىڭ بارلىعى دەرلىك قازىرگى تۇركىستاننىڭ تاريحي وقيعاسىنا, قالانىڭ قارىشتاپ تۇلەپ جاتقانىنا كۋا بولۋدا ەكەنىن ەرەكشە اتاپ وتتى. سوز اراسىندا قاسيەتتى تۇركىستاننىڭ بۇگىنگى كەزەڭىنە كوڭىلى تولاتىنىن جەتكىزگەن ارداگەر كەيبىرەۋلەردىڭ جاقسى ىستەردە كەرى تارتپا اركەتى دۇرىس ەمەستىگىن دە سوز ەتتى.
«شىنى كەرەك, تۇركىستاننىڭ ەندى عانا تاي-تاي تۇرىپ كەلە جاتقانىندا جاقسىسىن اسىرۋدىڭ ورنىنا جۇمىستارعا كەدەرگى كەلتىرىپ, تاسادا جاتىپ الىپ, تاس اتتاتىندار كەزدەسىپ قالىپ جاتادى. وسىنداعى بىر ارداگەرىمىز ولاردى سىناپ-مىنەۋدىڭ ورىنا قالانى دامىتۋعا اتسالىسۋعا شاقىرىپ, باسۋ ايتىپ, سابىرعا شاقىرىپ ەدى. سوندىقتان, بارشا ارداگەرلەرىمىز قالانى دامىتۋعا اتسالىسۋعا جانە سول جۇمىستاردىڭ باسى-قاسىندا جۇرەتىن پارتييانىڭ اتقارىپ جاتقان جۇمىسىنا دا قولداۋ بىلدىرەدى دەپ سەنەمىن. سوعان اتسالىسۋعا شاقىرامىن», – دەدى پەرنەتاي دوسىمبەكوۆ اقساقال.
جيىندى قورىتىندىلاعان نۇرمۇحان ميياتۇلى كونفەرەنتسيياعا وڭ باعا بەردى. سونىمەن قاتار كونفەرەنتسييا بارىسىندا «نۇر وتان» پارتيياسى تۇركىستان وبلىستىق فيليالىنىڭ كونفەرەنتسيياسىنا قاتىساتىن دەلەگاتتار سايلاندى.

پىكىر

نۇرمۇحان جولداسوۆ,
تۇركىستان وبلىستىق فيليالى توراعاسىنىڭ بىرىنشى ورىنباسارى:


– بيىل پار­تييا­­مىزدىڭ قۇ­رىل­­عانىنا 20 جىل تو­لىپ وتىر. مە­رەي­توي قارساڭىندا پار­تييانىڭ سەزى وتەدى. سوعان دا­يىن­دىق جۇمىس­تارى باستالىپ كەت­تى.ەلباسىنىڭ جار­لىعىمەن تۇر­كىستان وبلىسى قۇرىلىپ, وبلىس ورتالىعى بولىپ بەكىتىلدى.تۇركىستاندى تۇلەتۋ جۇ­مىستارىنا پارتييامىز جاقسى اتسالىسىپ جاتىر. جاقىندا وبلىستىق فيليالدىڭ باستاماسىمەن وبلىستاعى 22 باسقارما بىرلەسىپ, قوعامدىق قابىلداۋ وتكىزدى. قا­بىلداۋعا كەلگەن تۇرعىندار تولعاندىرعان ماسەلەلەرىن تيىستى سالا باسشىلارىنا ايتىپ, وتىنىشتەرىن جەتكىزدى. وسىلايشا, پارتييا وبلىس تۇرعىندارىنىڭ ماسەلەسىن شەشۋ ماقساتىندا باسقا دا تۇرلى باستاماعا ۇيىتقى بولىپ وتىر. پارتييا قولعا العان ىستەردىڭ قاتارىندا وبلىس تۇرعىندارى ۇشىن IT سىنىپتار اشىلىپ جاتىر. وزگە دە اتقارىپ جاتقان جۇمىس جەتەرلىك.

تەلمان بەيسەن, تۇركىستان وبلىسى

بولىسۋ: