قوعامدىق قابىلداۋ – قول ۇشىن بەرەدى

680
0
بولىسۋ:

ەلباسى ن.نازارباەۆتىڭ مۇمكىندىگى شەكتەۋلى ازاماتتاردىڭ ومىر ساپاسىن جاقسارتۋ بويىنشا بەرگەن تاپسىرماسىن جۇزەگە اسىرۋ ماسقاتىندا پارتييا جوباسى «كەدەرگىسىز كەلەشەك» اياسىندا «نۇر وتان» پارتيياسىنىڭ قوعامدىق قابىلداۋ بولمەلەرىندە مۇمكىندىگى شەكتەۋلى ازاماتتاردى الەۋمەتتىك قولداۋ ماسەلەلەرى بويىنشا تاقىرىپتىق قابىلداۋ وتتى.

قابىلداۋدى «نۇر وتان» پارتيياسىنىڭ رەسپۋبليكالىق قوعامدىق قابىلداۋ بولىمى مەڭگەرۋشىسىنىڭ ورىنباسارى ارىستانعالي سانسىزباەۆ  وتكىزدى. ىس-شاراعا استانا قالاسىنىڭ قوعامدىق دەنساۋلىق ساقتاۋ, جۇمىسپەن قامتۋ جانە الەۋمەتتىك قورعاۋ باسقارمالارىنىڭ وكىلدەرى قاتىستى.

مۇمكىندىگى شەكتەۋلى ازاماتتارعا كەدەرگىسىز جاعدايلاردى جاساۋ, ولاردى جۇمىسقا ورنالاستىرۋ, ەمدەلۋگە كومەك كورسەتۋ, دارى-دارمەكپەن قامتاماسىز ەتۋ ماقساتىندا قۇرىلعان جوبا بويىنشا 2018 جىلى پارتييانىڭ قوعامدىق قابىلداۋ بولمەلەرىنە 4 مىڭعا جۋىق ادام وتىنىشپەن كەلىپ, ولاردىڭ اربىر ۇشىنشىسىنىڭ ماسەلەلەرى شەشىمىن تاپقان.

قابىلداۋدىڭ العاشقى قوناعى ەرلان جيكيشەۆ كەزدەسۋ كەزىندە الەۋمەتتىك جاعدايىنىڭ تومەن ەكەندىگىن ايتا كەلە, بەس جاسار ۇلىنىڭ ەمىنە كومەك قاجەت ەكەندىگىن جەتكىزدى. موحۋببات اليەۆ پەن راحىمجان شاريپوۆ ەسىمدى قوس ازامات «باتىس مونتاج سەرۆيس» كومپانيياسىنىڭ باسشىلىعى جالاقى بەرمەي قويعاندىعىندىعىن ايتىپ, شاعىمداندى. ولار 9 ۇيدى جوندەۋ جۇمىستارىنا اتسالىسقان. بىراق باسشىلىق ايلىق تولەۋدەن جالتارىپ وتىرعان كورىنەدى. ەڭبەك جانە حالىقتى الەۋمەتتىك قورعاۋ مينيسترلىگىنىڭ وكىلى بۇل ماسەلەنى وڭتايلى شەشۋگە اتسالىساتىنىن ايتتى.

قابىلداۋعا كەلگەن ىىى-توپ مۇگەدەگى فاريزا قاپان كوپ ۋاقىتتان بەرى جۇمىسقا ورنالاسا الماي جۇرگەندىگىن, ال نازەركە جامبىلوۆا ەسىمدى قالا تۇرعىنى ۇش جاسار بالاسىنىڭ اۋتيزممەن اۋىراتىندىعىن, بالاسىنىڭ ەمىنە قوسىمشا كومەك كورسەتىلسە دەگەن تىلەگى بار ەكەندىگىن بىلدىردى. ال دەنساۋلىعىنا بايلانىستى 45 مىڭ تەڭگە جاردەماقى الاتىنىن ايتقان ارىپاحان سەرىكباەۆا الەۋمەتتىك جاعدايىن ەسكەرىپ, جۇمىسقا ورنالاسۋعا كومەك كورسەتۋىن سۇرادى.

جالپى قابىلداۋ بارىسىندا مۇمكىندىگى شەكتەۋلى ازاماتتار تاراپىنان جاردەماقى, كوك كىتاپشا, بالالارعا تولەنەتىن ارناۋلى الەۋمەتتىك كومەك ماسەلەلەرى بويىنشا دا وتىنىشتەر تۇسىپ, زاڭ اياسىندا تيىستى قولداۋلار كورسەتىلەتىن بولدى. ازاماتتاردى قابىلداۋ بارىسىندا ولارعا دەنساۋلىق ساقتاۋ, ەڭبەك جانە الەۋمەتتىك قامتۋ اياسىندا مەملەكەتتىك باعدارلامالاردى جۇزەگە اسىرۋدىڭ تارتىبى مەن العىشارتتارى تۇسىندىرىلدى. سونداي-اق, بىرقاتار وتىنىشتەر بويىنشا ناقتى تاپسىرمالار بەرىلدى.

ابىلمانسۇر جاسان

فوتو: ا.مۇرزانوۆ

بولىسۋ: