سپورتتاعى بيۋدجەت قارجىسىنىڭ اشىقتىعى ارتادى

244
0
بولىسۋ:

قازاقستان رەسپۋبليكاسى مادەنيەت جانە سپورت مينيسترلىگىندە دەنە شىنىقتىرۋ جانە سپورت سالاسى بويىنشا سىبايلاس جەمقورلىق قۇقىق بۇزۋشىلىقتاردىڭ الدىن الۋ ماسەلەلەرى جونىندەگى ىنتىماقتاستىق تۋرالى مەموراندۋمعا قول قويىلدى.

اتالعان قۇجات قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ىس-قيمىل اگەنتتىگى مەن قازاقستان رەسپۋبليكاسى مادەنيەت جانە سپورت مينيسترلىگى جانە قازاقستان رەسپۋبليكاسىنىڭ ۇلتتىق وليمپيادا كوميتەتى اراسىندا جاسالدى.
مەموراندۋمنىڭ ماقساتى – سىبايلاس جەمقورلىققا قارسى ساياساتتى ىسكە اسىرۋعا باعىتتالعان, بىرلەسكەن جانە ۇيلەستىرىلگەن ىس-قيمىلداردى ازىرلەۋ جانە ىسكە اسىرۋ, سىبايلاس جەمقورلىققا قارسى كۇرەس بويىنشا قابىلدانعان شارالاردىڭ تيىمدىلىگىن ارتتىرۋ, سىبايلاس جەمقورلىق قۇقىق بۇزۋشىلىقتارىن جاساۋعا ىقپال ەتەتىن سەبەپتەر مەن جاعدايلاردى جويۋ بويىنشا قابىلداناتىن شارالاردىڭ تيىمدىلىگىن ارتتىرۋ.
ەستەرىڭىزگە سالايىق, وتكەن جىلدىڭ سوڭىندا ۇش جاقتى كەزدەسۋ ۇيىمداستىرىلىپ, ونىڭ سوڭىندا سپورت جانە دەنە شىنىقتىرۋ سالاسىندا جەمقورلىقتىڭ الدىن الۋ ماسەلەسى بويىنشا ىنتىماقتاستىق تۋرالى مەموراندۋم قابىلدانادى دەپ كەلىسىلگەن بولاتىن.
– مەملەكەتتىڭ سىبايلاس جەمقورلىققا قارسى ساياساتىنىڭ تيىمدىلىگىن ارتتىرۋ, سپورت قاۋىمداستىعىن جەمقورلىققا قارسى قوزعالىسقا شاقىرۋ ارقىلى بىز ازاماتتىق قوعامدى, سپورتتىق فەدەراتسييالاردى سپورتشىلاردى سىبايلاس جەمقورلىقپەن كۇرەسۋگە تارتۋدى كوزدەيمىز, – دەدى قر مادەنيەت جانە سپورت مينيسترى ارىستانبەك مۇحامەديۇلى.
وسى ورايدا, قر مادەنيەت جانە سپورت مينيسترلىگى سپورت سالاسىندا اشىقتىق ساياساتىن ۇستانىپ, «اشىق دەرەككوزدە» بيۋدجەت قاراجاتىن يگەرۋ, مەملەكەتتىك ساتىپ الۋلار مەن مينيسترلىكتىڭ تابىسى مەن مۇلكى جايلى بارلىق اقپاراتتى جارييا ەتىپ وتىرادى.

ا.بەك

فوتو: sputniknews.kz

بولىسۋ: