دەرتكە قارسى دابىل

368
0
بولىسۋ:

نۇروتاندىق دەپۋتاتتار ەلدى الاڭ­دات­قان بىرقاتار ماسەلەلەرگە ۇكىمەت باسشى­سى مەن مەملە­­كەتتىك ورگان­دار جەتەك­شى­لە­رىنىڭ نازارىن اۋدارتۋدا. وسى ورايدا ولار­دىڭ بىرقاتارى ماجى­لىستىڭ جالپى وتىرىسىندا جارييا ەتىلگەن دەپۋتاتتىق ساۋالداردا كورىنىس تاپتى.

«نۇر وتان» فراكتسيياسىنىڭ مۇشەسى ب.مامراەۆ پرەمەر- مينيستر ب.ساعىنتاەۆقا جۇگىنىپ, سالالىق قاۋىمداستىق جەتەكشىلەرى مەن تەحنيكالىق-كاسىپتىك بىلىم بەرۋ (تكبب) جۇيەسىنىڭ ارداگەر­لە­رىن بىلىم جانە عىلىم مينيستر­لى­گىنىڭ ىس-قيمىلى الاڭداتىپ وتىر­عا­نىن جەتكىزدى.
«ويتكەنى بعم كاسىبي ورتادا اشىق ارى كەڭ تالقىلاۋعا شىعار­ماي-اق, تكبب جۇيەسىنىڭ مەملە­كەت­تىك بىلىم بەرۋ ستاندارت­تارى­نان جالپى ورتا بىلىم بەرۋدىڭ پاندەرىن وقىتۋدى الىپ تاستاۋدى جوسپار­لاۋ­دا. سالدارىنان, كوللەدج شاكىرت­تەرى ورتا بىلىم الا الماي قالادى. ال كونستيتۋتسييانىڭ 30-با­بىنىڭ 1-تارماعىنا سايكەس, قازاقستان ازاماتتارىنا مەملە­كەت­تىك وقۋ ورىندارىندا تەگىن ورتا بىلىم بەرۋ كەپىلدەندىرىلەدى. كونس­تيتۋتسييا بويىنشا ورتا بىلىم – مىندەتتى. وسىلايشا, مينيستر­لىكتىڭ جوسپارى كونستيتۋتسييالىق نورمالارعا قايشى كەلەدى, «بىلىم بەرۋ تۋرالى» زاڭىنىڭ نورمالارىن بۇزادى جانە ازاماتتاردىڭ ورتا بىلىم الۋ قۇقىعىن شەكتەيدى», – دەدى دەپۋتات.
نۇروتاندىق دەپۋتات ز.امانجو­لوۆا دەنساۋلىق ساقتاۋ مينيسترى ە.بىرتانوۆقا قايىرىلىپ, قىزىل­شا (كور) دەرتىنىڭ جايىلۋىنا قاتىستى دابىل كوتەردى. دەنساۋلىق ساقتاۋ مينيسترلىگىنىڭ دەرەگىنشە, 2018 جىلعى قاراشا ايىنىڭ باسى­نان بەرى قازاقستاندا بۇل اۋرۋدىڭ 1406 راستالعان دەرەگى تىركەلگەن. ونىڭ ىشىندە 14 جاسقا دەيىنگى بالالاردىڭ ۇلەسى 81%. قىزىلشا استانادا (938), الماتىدا (86), اقمولا وبلىسىندا (53), سونداي-اق اتىراۋ جانە قوستاناي وڭىرلەرىندە كوپ تىركەلۋدە.
وسىعان وراي, دەپۋتات مينيستر­دەن «قىزىلشانىڭ 1 جاسقا دەيىنگى بالالار, ەرەسەك تۇرعىندار جانە مەديتسينالىق قىزمەتكەرلەر ارا­سىندا تارالۋىنىڭ سەبەپتەرىنە تەرەڭ زەرتتەۋ جۇرگىزۋدى» وتىندى. بۇدان بولەك, «پروفيلاكتيكالىق ىس-شارالاردىڭ, سونىڭ ىشىندە ەكپە ەگۋدىڭ ساپاسىنا باعالاۋ جۇرگىزۋ» سۇرالدى.
«نۇر وتان» فراكتسيياسىنىڭ مۇشەسى س.بىچكوۆا ادىلەت مينيست­رى م.بەكەتاەۆقا دەپۋتات­تىق ساۋال جولداپ, نورماتيۆتىك-قۇقىقتىق اكتى­لەرگە (نقا) سىبايلىس جەم­قور­لىققا قارسى ساراپتاما جۇر­گىزۋ­گە قاتىستى ماسەلە كوتەردى.
«قازاقستاندا قازىرگى ۋاقىتتا نورماتيۆتىك-قۇقىقتىق اكتىلەرگە بولەك انتيكوررۋپتسييالىق ساراپتا­ما جۇرگىزىلمەيدى. ونى جويۋعا اكەل­گەن نەگىزدەردىڭ بىرى – وندىرىس­تىڭ جەتكىلىكتى تۇردە جوعارى ساپالى بولماۋى جانە سالدارىنان جەتكى­لىك­تى تيىمدىلىك بەرمەۋى بولدى. بۇگىندە سىبايلاس جەمقورلىققا سوقتىرۋى مۇمكىن نورمالاردى انىقتاۋ – ادىلەت مينيسترلىگىنىڭ جانە ونىڭ اۋماقتىق ورگاندارى­نىڭ نقا جوبالارىنا زاڭگەرلىك ساراپتاماسى اياسىندا جۇزەگە اسى­رى­­لادى», – دەگەن دەپۋتات مي­نيستر­­دەن نقا-لارعا انتيكور­رۋپ­تسييالىق ساراپتامانى عىلىمي ساپالى دەڭگەيدە جۇرگىزەتىن جەكە قۇقىقتىق ينستيتۋتتى قالپىنا كەلتىرۋدى جانە قارجىلاندىرۋدى ۇسىندى.

ايحان شارىپ

بولىسۋ: