«بايقوڭىردىڭ» باسقوسۋى

451
0
بولىسۋ:

«نۇر وتان» پارتيياسىنىڭ 20 جىلدىعى اياسىندا, اۋداندىق فيليالدىڭ كەزەكتەن تىس III كونفەرەنتسيياسى وتتى. كونفەرەنتسيياعا «نۇر وتان» پارتيياسى استانا قالالىق فيليالى توراعاسىنىڭ ورىنباسارى, قالالىق ماسليحات دەپۋتاتتارى, كاسىپوداق ۇيىمىنىڭ جەتەكشىلەرى, مەملەكەتتىك ەمەس ۇيىمداردىڭ باسشىلارى جانە تاعى باسقالارى قاتىستى.
كەزدەسۋ بارىسىندا ««نۇر وتان» پارتيياسىنا 20 جىل» اتتى باياندامادا قاراستىرىلعان اۋداندىق فيليالدىڭ بيىلعى جىلعا جوسپارلارى تالقىلانىپ, اتقارىلعان جۇمىسپەن قاتىسۋشىلار تانىس بولدى. سونىمەن قاتار, «جاسامپازدىق جانە الەۋمەتتىك دامۋ كەزەڭى» اتتى باياندامامەن «نۇر وتان» پارتيياسىنىڭ ارداگەرى, «تسەسنا-استىق» بپۇ توراعاسى – كەنجە بەكنازاروۆ سوز سويلەدى.
كۇن تارتىبىندە «نۇر وتان» پار­تيياسىنىڭ 20 جىلدىعى, پار­تييا­نىڭ 2030 جىلعا دەيىنگى باع­دارلامالىق جوباسى تالقىلاندى. «نۇر وتان» پارتيياسى استانا قالاسى «بايقوڭىر» اۋداندىق فيليالىنىڭ «تسەسنا – استىق» باستاۋىش پارتييا ۇيىمىنىڭ توراعاسى «قۇرىلۋ جانە الەۋمەتتىك دامۋ ۋاقىتى» تاقىرى­بىندا بايانداما جاسا­دى. ال «نۇر وتان» پارتيياسى اس­­تا­نا قالاسى «بايقوڭىر» اۋدان­دىق فيليالى توراعاسىنىڭ بى­رىن­شى ورىنباسارى مۇحامەدجان بولىسبەك پارتييا­نىڭ 2030 جىل­عا دەيىنگى باع­دارلامالىق جوباسىنىڭ نەگىزگى باعىتتارىن تۇسىندىردى.
– «نۇر وتان» پارتيياسىنىڭ 2030 جىلعا دەيىنگى باعدارلاماسى قازاقستاننىڭ جاڭا الەۋمەتتىك باعىتىن ايقىندايدى. ول دامى­عان ەلدەردىڭ قاتارىنا قوسىلۋ ۇشىن مەملەكەتتى رەفورمالاۋدىڭ دالەلدەنگەن جانە تيىمدى ادىسى سانالعان 5 ينستيتۋتسيونالدى رەفورماعا نەگىزدەلگەن. «نۇر وتان» پارتيياسى ەلباسى انىق­تاعان ستراتەگييا شەڭبەرىندە ەلدىڭ جەتەكشى ساياسي كۇشى رەتىندە, وزى­نىڭ نەگىزگى كۇش-جىگەرىن بولا­شاق ون جىلعا ون نەگىزگى ماقساتىن ىسكە اسىرۋعا باعىتتايدى, – دەدى م.بولىسبەك.
جيىن بارىسىندا استانا قالاسى «بايقوڭىر» اۋداندىق فيليالىنىڭ كونسۋلتانتى ەر­كەبۇلان شالتاي «نۇر وتان» پار­تيياسى استانا قالالىق فيليا­لىنىڭ XVIII كەزەكتەن تىس كونفە­رەنتسيياسىنا سايلانعان دەلەگاتتار تىزىمىن اتاپ وتسە, «بايقوڭىر» اۋداندىق فيليالىنىڭ توراعاسى, استانا قالاسى «بايقوڭىر» اۋدا­نىنىڭ اكىمى ەرلان كاناليموۆ «بايقوڭىر» فيليالىنىڭ ات­قار­عان جانە جوسپارداعى جۇمىسىنا توقتالدى.
كەزدەسۋ قورىتىندىسىندا «نۇر وتان» پارتيياسى استانا قالالىق فيليالىنىڭ كەزەكتەن تىس XVIII كونفەرەنتسيياسىنا دەلەگاتتار تاڭدالدى.

ابىلمانسۇر جاسان

بولىسۋ: