ورتتەن ساقتانۋ مۇرجا تازالاۋدان باستالدى

393
0
بولىسۋ:

«نۇر وتان» پارتيياسى­نىڭ پاۆلودار وبلىسى اقسۋ قالالىق فيليالىن­دا ورت قاۋىپسىزدىگى شارا­لا­رىن تالقىلاعان جيىن وتتى. قالا اكىمى توتەنشە جاعدايلار جانە قۇقىق قورعاۋ قىزمەتكەرلەرىمەن وتكىزگەن جيىندا بىرقاتار ماسەلەلەردى تالقىلادى.

سوڭعى كەزدەرى ورتتىڭ كەسىرىنەن ورىن العان توتەنشە جاعداي­لار­دىڭ سوڭى قايعىلى اياقتالدى. اياز كۇشەيگەن كەزدە تاۋلىك بويى ۇزدىك­سىز پەش جاعاتىن تۇرعىندار ۇشىن قاۋىپ الى دە بار. ايماق باسشىسى بالعاباي ىبىراەۆ تۇرعىندارعا ەڭ بىرىنشى ورت قاۋىپسىزدىگىن ەستە ۇستاۋ كەرەگىن قاتاڭ ەسكەرتتى.
– بۇعان دەيىن ورتتەن بولعان جاعدايلار قايتالانباس ۇشىن قاۋىپسىزدىك شارالارىن قاتاڭ تۇر­دە كۇشەيتۋ قاجەت. ەڭ الدىمەن, يە­سىز, قاڭىراپ تۇرعان بوس نىسان­دار­دى نازاردا ۇستاعان جون. جال­عىزباستى ادامداردىڭ ۇيلەرىن ارالاپ, ولاردىڭ جاعدايىمەن تانىسىڭدار. بارلىق پاتەرلەردى مۇقييات قاراپ, ەسەپكە الىڭدار. سونىمەن قاتار شارۋاشىلىق نىساندارىنداعى ەلەكتر جەلىسىن دۇرىس جۇرگىزۋ تالاپتارىن تەكسەرۋ كەرەك, – دەدى بالعاباي ىبىراەۆ.
اقسۋ قالالىق توتەنشە جاع­داي­لار بولىمىنىڭ مالىمەتىنشە, بيىل جىلىتۋ ماۋسىمىندا 6 723 جە­كە جانە كوپپاتەرلى ۇي­لەردى ارالاپ, 11 215 ادامعا ورت قا­ۋىپ­سىز­دىگى شارالارى تۇسىن­دى­رىل­گەن. وسى جىل باستالىسىمەن اقسۋدا 8 ورت وقيعاسى تىركەلگەن. ورت سال­دارىنان بىر ادام زارداپ شەگىپ, بىرەۋى كوز جۇمعان.
«ۋلى گاز» اكتسيياسى اياسىندا توتەنشە جاعداي بولىمى جەرگىلىكتى اتقارۋشى ورگاندارمەن الدىن الۋ جۇمىستارى جۇرگىزىلىپ جاتىر. ناقتى ايتقاندا, جىلىتۋ پەشتە­رىنىڭ مۇرجاسىن تازالاۋعا كومەك­تەس­تى. اۋىلدىق وكرۋگتەردە بارلى­عى 120 تۇرعىن ۇي قامتىلدى. سو­نى­مەن قاتار اۋىلشارۋاشىلىق نى­ساندار دا تەكسەرىلدى. كەيبىر شارۋا قوجالىقتارى ۋلى گاز سيگ­نا­ليزاتورلارىن ورناتىپ جاتىر.
الەۋمەتتىك جەلىنىڭ مۇمكىندىگى زور. سول ۇشىن دە پايدالى اقپارات­تاردى جيى سالىپ, حالىقتى ماڭىز­دى ماعلۇماتتارمەن قۇلاقتاندىرۋ, بەينەروليكتەر تۇسىرىپ, كوپشى­لىككە تاراتىلعانى دۇرىس.
ورت قاۋىپسىزدىگىن قامتاماسىز ەتۋ ماقساتىندا اقسۋ قالاسىنىڭ توتەنشە جاعدايلار بولىمىنىڭ ما­ماندارى, زەينەتكەر, مۇمكىندىگى شەك­تەۋلى جاندار جانە كوپبالالى, از قامتىلعان وتباسىلارعا كو­مەك­تەستى. ولارعا ۋلى گاز سيگناليزا­تو­رىن ورناتۋ, جەكە ۇيلەردىڭ جى­لىتۋ پەشىنىڭ مۇرجاسىن تازا­لاۋ ۇزدىكسىز جالعاسادى. جەرگىلىكتى پوليتسييا قىز­مەت­كەرلەرى ەلدى ارا­لاپ, ورتتىڭ الدىن الۋعا كومەكتەسەدى.

بولىسۋ: