سەزگە دايىنبىز با?

441
0
بولىسۋ:

استانادا 27 اقپان كۇنى «نۇر وتان» پارتيياسىنىڭ كەزەكتى XVIII سەز وتەدى. سوعان وراي, ەلىمىزدىڭ تۇكپىر-تۇكپىرىندە پارتييا­نىڭ 20 جىلدىعىنا ارنال­عان سەزد الدىنداعى تۇرلى وڭىرلىك پارتييا كونفەرەن­تسييا­لارى وتىپ جاتىر. مۇنداي ماڭىزدى جيىندار جىل باستالعالى الماتىدا دا قارقىندى وتكىزىلۋدە.

دوستىق ۇيىندە مەدەۋ اۋداندىق پارتييا فيليالىنىڭ XXIIى كە­زەك­تەن تىس كونفەرەنتسيياسى بولدى. كونفەرەنتسييا جۇمىسىنا ماجى­لىستەگى الەۋمەتتىك-مادەني دامۋ كوميتەتىنىڭ توراعاسى گۇلنار ىق­سانوۆا, دەپۋتات دارحان مىڭباي, پارتييا فيليالىنىڭ توراعاسى, اۋدان اكىمى ەرجان جىلقىباەۆ قا­تىستى. سونداي-اق شاراعا پار­تييا فيليالى ساياسي كەڭەسىنىڭ مۇ­شە­لەرى, پارتييا ارداگەرلەرى, ال­ما­تى قالا­لىق ماسليحاتىنىڭ دە­پۋ­تات­ت­ارى مەن باستاۋىش پارتييا ۇيى­مىنىڭ وكىلدەرى دە بەلسەنە اتسالىستى.
جيىن بارىسىندا قاتىسۋ­شى­لار ەلباسى نۇرسۇلتان نازارباەۆ­تىڭ «قازاقستاندىقتاردىڭ ال-اۋقا­تىنىڭ وسۋى: تابىس پەن تۇرمىس ساپاسىن ارتتىرۋ» اتتى جولدا­ۋىن­داعى باسىم باعىتتاردى جۇزەگە اسىرۋ بويىنشا تالقىلاۋ جاسادى. سونىمەن قاتار مەدەۋ اۋداندىق باسشىلىعى اتقارىلعان جۇمىس­تاردىڭ ەسەبىن بەرىپ, الدا قولعا الىناتىن جوبالار جايلى ايتتى. ماجىلىس دەپۋتاتتارى ەلباسى جول­داۋىن ىسكە اسىرۋدىڭ تەتىكتە­رىن بايانداپ, حالىق تابىسى مەن ومىر سا­پاسىن ارتتىرۋ جولىندا پارتييا­نىڭ ايانباي ەڭبەك ەتىپ جاتقانىن دا ايتىپ وتتى. شارا سوڭىندا «نۇر وتان» پارتيياسى الماتى قالالىق فيليالىنىڭ كونفەرەنتسيياسىنا دەلەگاتتار سايلاندى.

اباي قازبەكۇلى

بولىسۋ: