جۇمىس جالعاسادى

627
0
بولىسۋ:

اتىراۋدا «نۇر وتان» پارتيياسى اتىراۋ قالالىق فيليالىنىڭ كەزەكتەن تىس حححىV كونفەرەنتسيياسى وتتى.

كونفەرەنتسييانىڭ جۇمىسىنا پارلامەنت ماجىلىسىنىڭ دەپۋتات­تارى باقىتگۇل حامەنوۆا, امان­گەلدى داۋرەنباەۆ, اسىلبەك سما­عۇلوۆ, «نۇر وتان» پارتيياسى اتىراۋ وبلىستىق فيليالى توراعا­سىنىڭ ورىنباسارى باقبەرگەن قاراباەۆ جانە اتىراۋ قالالىق پارتييا فيليالى ساياسي كەڭەسىنىڭ مۇشەلەرى, پارتييا ارداگەرلەرى, ماسليحات دەپۋتاتتارى, جەرگىلىكتى اتقارۋشى ورگان باسشىلارى, باستاۋىش پارتييا ۇيىمدارىنىڭ توراعالارى مەن «جاس وتان» جاستار قاناتىنىڭ مۇشەلەرى قاتىستى.
كونفەرەنتسييانىڭ كۇن تارتى­بىندە «نۇر وتان» پارتيياسىنىڭ 20 جىلدىعى». «جاسامپازدىق جانە الەۋمەتتىك دامۋ كەزەڭى», قر پرە­زيدەنتىنىڭ «قازاقستان­دىقتار­دىڭ ال-اۋقاتىنىڭ وسۋى: تابىس پەن تۇر­مىس ساپاسىن ارتتىرۋ» اتتى جول­داۋىنىڭ اتىراۋ قالاسىندا ىسكە اسىرۋ بارىسى مەن «ال-اۋقات­تىق قوعام: ونجىل­دىق­تىڭ 10 ماقساتى» اتتى «نۇر وتان» پارتيياسىنىڭ 2030 جىل­عا دەيىنگى باعدارلاماسىنىڭ جوباسى تۋرالى باياندامالار جاسالىپ, «نۇر وتان» پارتيياسى اتىراۋ وب­لىستىق فيليالىنىڭ كەزەكتەن تىس ححىح كونفەرەن­تسييا­سىنا دەلە­گات­تار سايلاۋ ماسەلەلەرى قارالدى.
كونفەرەنتسيياعا توراعالىق ەتكەن اتىراۋ قالاسى اكىمى اليمۇ­حام­مەد قۇتتىمۇراتۇلى كۇن تار­تى­بىندەگى ۇش ماسەلە بويىنشا بايان­دا­ماشىلارعا سوز كەزەگىن بەردى.
«نۇر وتان» پارتيياسىنىڭ 20 جىل­دىعى». جاسامپازدىق جانە الەۋ­­مەتتىك دامۋ كەزەڭى» بويىنشا پارتييا ارداگەرى, ح.دوسمۇحامەدوۆ اتىنداعى اتىراۋ مەملەكەتتىك ۋني­ۆەرسيتەتى, مەنەدجمەنت كافەد­را­سىنىڭ پروفەسسورى باقتىبەك تاۋباەۆ بايانداما جاساپ, پارتييا­نىڭ 20 جىلدىقتاعى جاسامپاز ىس­تە­­رىن زەردەلى ويىمەن ايتىپ جەتكىزدى.
قر پرەزيدەنتىنىڭ «قازاق­ستان­دىقتاردىڭ ال-اۋقاتىنىڭ وسۋى: تابىس پەن تۇرمىس ساپاسىن ارت­تىرۋ» اتتى جولداۋىنىڭ اتى­راۋ قا­لاسىندا ىسكە اسىرۋ بارىسى تۋرا­لى سوز العان اتىراۋ قالاسى اكى­مى­نىڭ ورىنباسارى پولىم­بەت حا­سانوۆتىڭ ايتۋىنشا, جولداۋ­دا العا قويعان تاپسىر­مالاردى ورىن­داۋ ۇشىن اتىراۋ قالاسىندا كوپ­تە­گەن جۇمىستار اتقارىلىپ جاتىر.
ەلباسى «بيزنەستىڭ جول كارتا­­سى – 2020» باعدارلاماسىن جالعاس­تىرىپ, 2025 جىلعا دەيىن ىسكە اسى­رۋدى تاپسىردى. اتالعان باع­دار­لا­ما جۇزەگە اسىرىلعاننان بەرى قالا بويىنشا 2010-2018 جىلدار ارا­لى­عى جالپى سوماسى 62 ملرد تەڭ­گەگە جۋىق 483 كاسىپكەردىڭ جو­باسى قول­داۋ الىپ, 3 337 جاڭا جۇ­مىس ورىن­دارى قۇرىلعان. بۇگىندە وبلىس, قالا كاسىپكەرلەرى ۇشىن «بىر تەرەزە» قاعيداتى بويىنشا كاسىپ­كەرلەرگە قىزمەت كورسەتۋ ورتالىعى اتىراۋ قالاسىندا قىزمەت ەتىپ كە­لە­دى. اگروونەركاسىپ كەشەنىنىڭ الە­ۋەتىن تولىق ىسكە اسىرۋ جانە مەك­تەپكە دەيىنگى بىلىم بەرۋ ساپا­سىن تۇبەگەيلى جاقسارتۋ بويىنشا ناتيجەلى جۇمىستار اتقارىلىپ جاتىر.
– بىلىم بەرۋ سالاسىنىڭ وزەكتى ماسەلەلەرىنىڭ قاتارىنا اپاتتى جاعدايداعى جانە ۇش اۋىسىمدى مەكتەپتەردىڭ بولۋى جاتادى. اتاپ ايتقاندا, قالامىزدا 2 اپاتتىق جاعدايداعى مەكتەپ بار. بۇل مەك­تەپ­تىڭ وقۋشىلارى بۇگىندە باسقا مەكتەپكە اۋىستىرىلدى. اپاتتى دەپ تانىلعان م.جۇماباەۆ اتىن­دا­عى ورتا مەكتەپتىڭ جاڭا قۇرىلىسىن سالۋ ۇشىن جوبالىق-سمەتالىق قۇ­جاتتاماسى جاساق­تالىپ جاتىر. ع.مۇراتباەۆ اتىن­داعى ورتا مەكتەپتىڭ جاڭا عيما­را­تىن سالۋ ۇشىن مەملەكەتتىك ساتىپ الۋ وتكى­زىلۋدە. قالادا ۇش اۋىسىمدا وقيتىن 13 مەكتەپ بار. وسى ماسە­لەنى شەشۋ ۇشىن 5 مەكتەپتىڭ قۇرى­لىسى جۇر­گىزىلسە, 14 مەكتەپتىڭ جو­­بالىق-سمەتالىق قۇجاتتارى جاساقتالىپ جاتىر, – دەگەن پو­لىمبەت ماكسيم­ۇلى «نۇرلى جەر» باعدارلاماسى اياسىندا جاڭادان بوي كوتەرگەن تۇر­عىن ۇيلەر مەن وزگە دە سالالار­داعى جەتىستىكتەر مەن شەشىمىن كۇتكەن ماسەلەلەر تۋرالى تالداپ جەتكىزدى.
«ال-اۋقاتتىق قوعام: ونجىلدىقتىڭ 10 ماقسا­تى» «نۇر وتان» پارتيياسىنىڭ 2030 جىلعا دەيىنگى باعدارلا­ما­سى­نىڭ جوباسى بويىنشا سوز العان «نۇر وتان» پارتيياسى اتىراۋ قا­لا­لىق فيليالى توراعاسىنىڭ بى­رىنشى ورىنباسارى ادىلبەك زاي­دۋلليننىڭ ايتۋىنشا, الەمدىك قوعامداستىقتىڭ اجىراماس بولىگى رەتىندە بىزدىڭ ەلىمىز دە دا­مۋى­نىڭ ماڭىزدى كەزەڭىن باستان وت­كەرىپ كەلەدى.
كونفەرەنتسييانىڭ كۇن تارتى­بىن­دەگى ۇش ماسەلە بويىنشا بايان­دامادان سوڭ جارىس سوزدەرگە كەزەك بەرىلدى. كونفەرەنتسييادا پارتييا­نىڭ وبلىستىق فيليالىنىڭ ­كە­زەكتەن تىس ححىح كونفە­رەن­تسييا­سىنا بەلگىلەگەن كۆوتاعا سايكەس 54 دە­لەگات ۇسىنىلىپ بىراۋىزدان سايلاندى.

تۇرسىن جۇمابەكقىزى, اتىراۋ وبلىسى

بولىسۋ: