باعدارلامانى جەتىلدىرۋگە مان بەرىلدى

234
0
بولىسۋ:

ماجىلىس دەپۋتاتى قۋانىش سۇلتانوۆتىڭ توراعالىعىمەن Nur Otan پارتيياسىنىڭ ورتالىق اپپاراتىندا ەلباسىنىڭ «اربىر وتباسىنا باسپانا الۋدىڭ جاڭا مۇمكىندىكتەرىن بەرۋ» بىرىنشى الەۋمەتتىك باستاماسىنىڭ «7–20–25» باعدارلاماسىن ىسكە اسىرۋ بارىسى تۋرالى» پارتييالىق باقىلاۋ كوميتەتىنىڭ وتىرىسى وتتى.

كەزدەسۋگە پارتييالىق باقىلاۋ كوميتەتىنىڭ مۇشەلەرى, «باسپانا» يپوتەكالىق ۇيىمى اكتسيونەرلىك قوعامى, جەرگىلىكتى اتقارۋشى ورگاندار باسشىلىعى, پارتييانىڭ ورتالىق اپپارات جانە ايماقتىق فيليال قىزمەتكەرلەرى مەن بۇقارالىق اقپارات قۇرالدارى وكىلدەرى قاتىستى.
بەينەبايلانىس ارقىلى وتكەن وتىرىستى كىرىسپە سوزىمەن اشقان قۋانىش سۇلتانوۆ قازاقستاندىقتاردى تۇرعىن ۇيمەن قامتاماسىز ەتۋ ماسەلەسىنىڭ جانە «7–20–25» باعدارلاما­سىنىڭ ماڭىزىنا توقتالدى. ول سونداي-اق پارتييادا بۇعان قاتىستى بارلىق مۇم­كىندىكتەر مەن جاعدايلار جاسالعانىن, پارتييا مۇشەلەرى وسى باعىتتا جۇمىس اتقارۋ قاجەت ەكەنىن
ايتتى.
جيىندا پرەزيدەنتتىڭ بىرىنشى الەۋمەتتىك باستاما – «اربىر وتباسىنا باسپانا الۋدىڭ جاڭا مۇمكىندىكتەرىن بەرۋ» جۇمىسىن ىسكە اسىرۋ بارىسى تۋرالى ماجiلiس دەپۋتاتى بالايىم كەسەباەۆا, «باسپانا» يپوتەكالىق ۇيىمى» اق باسقارما توراعاسىنىڭ ورىن­باسارى دارحان بايقۋاتوۆ بايانداما جاسادى.
– حالىقتى قولجەتىمدى تۇرعىن ۇيمەن قام­تاماسىز ەتۋ – مەملەكەتىمىزدىڭ باستى ماسە­لەلەرىنىڭ بىرى. ەلباسىنىڭ بىرىنشى الەۋمەتتىك باستاماسىنىڭ وعان سايكەس جۇر­گىزىلىپ جاتقان «7–20–15» تۇرعىن ۇي باعدار­لاماسى باسپانا ساتىپ الۋعا جانە ازاماتتاردىڭ ال-اۋقاتىن جاقسارتۋعا مۇمكىندىك بەرەتىن مەملەكەتتىك قولداۋدىڭ ايقىن ۇلگىسى. وسى باعدارلامانىڭ ىسكە اسىرىلۋىن باقىلاۋ بويىنشا جۇمىس توبى تۇراقتى تۇردە مونيتورينگ جۇرگىزىپ وتىرادى. وڭىرلەرگە بارعان كەزدە دە دەپۋتاتتار Nur Otan پار­تيياسىنىڭ وكىلدەرىمەن بىرلەسىپ وسى باعدارلاما بويىنشا سالىنىپ جاتقان قۇرىلىس نى­ساندارىن ارالاپ, تۇرعىن ۇي جاعدايلارىمەن تانىستى, – دەدى ب.كەسەباەۆا.
ماجىلىس دەپۋتاتى سونىمەن قاتار «قولجەتىمدى تۇرعىن ۇي» تۇجىرىمداماسىنا قايشى كەلەتىن بىرنەشە قيىندىقتاردى كورسەتە وتىرىپ, تومەن تاريفتەردى دە اتاپ وتتى.
«باسپانا» يپوتەكالىق ۇيىمى» اق باس­قارما توراعاسىنىڭ ورىنباسارى دارحان بايقۋاتوۆ بايانداما بارىسىندا بۇگىنگى تاڭدا «7–20–25» باعدارلاماسى بويىنشا 117 ملرد تەڭگە سوماسىنداعى 10 321 وتىنىم قابىل­دانعانىن ايتتى.
تالقىلاۋ كەزىندە Nur Otan پارتيياسىنىڭ پارتييالىق باقىلاۋ كوميتەتى «باسپانا» يپوتەكالىق ۇيىمى» اق جانە پارتييا في­ليالدارى جانىنان قۇرىلعان بەس الەۋمەتتىك باستامانىڭ ورىندالۋىن باقىلايتىن اي­ماق­تىق قوعامدىق كەڭەس جۇمىستارىنىڭ اقپارات-ناسيحات جۇمىستارىن جۇرگىزۋ بارىسىنىڭ جەت­كىلىكسىز ەكەنىنە كوڭىل اۋداردى. سونداي-اق مەم­لەكەتتىك باعدارلامانى ىسكە اسىرۋ تەتىك­تە­رىن جەتىلدىرۋ بويىنشا بارلىق وتىنىشتەر ۇلت­تىق بانكتە جيناقتالىپ, زەرتتەلەتىنى ايتىلدى.
كوميتەت وتىرىسىندا ورتالىق جانە جەرگىلىكتى اتقارۋشى ورگاندارعا سونداي-اق پارتييانىڭ قۇرىلىمدىق بولىمشەلەرىنە جۇمىستى ودان ارى جەتىلدىرۋ جونىندە ناقتى ۇسىنىستار بەرىلدى.

ابىلايحان جۇماش

بولىسۋ: