حالىققا بارلىق جاعداي جاسالادى

436
0
بولىسۋ:

ەلباسىنىڭ «الەۋمەتتىك قامقورلىق» جاڭا الەۋمەتتىك شارالارىن ىسكە اسىرۋ بويىنشا Nur Otan پارتيياسىنىڭ حاتشىسى قانىبەك جۇماشەۆ اقتوبە حالقىمەن كەزدەستى.

ەلباسى جۋىردا عانا وتكەن Nur Otan پارتيياسىنىڭ حVىىى سەزىندە جاڭا الەۋمەتتىك شارالاردى جۇزەگە اسىرۋ جونىندە ۇكىمەت پەن اكىمدىكتەرگە تاپسىرمالار بەرگەن ەدى. مەملەكەت باسشىسى حالىقتىڭ الەۋمەتتىك تۇر­مىسىن جاقسارتۋعا ارنالعان ىس-شارا­لاردىڭ جۇزەگە اسىرىلۋىن باقىلاۋ قاجەتىن ناقتى­لاپ ايتتى.
وسىعان وراي, پارتييا وكىلدەرى الىس اي­ماقتاردىڭ تۇرعىندارىمەن جۇز­دەستى. باستى ماقسات – تۇرعىندارعا اتاۋلى الەۋمەتتىك كومەكتى تۇسىندىرۋ­مەن قاتار جەرگىلىكتى جەردە شەشىل­مەگەن ماسەلە بولسا, سونىڭ سەبەبىن زەرتتەۋ, تۇبەگەيلى شەشۋ. اتاپ ايت­قاندا, بىرىنشىسى – ەڭ كومەككە مۇقتاج, كوپبالالى وتباسىلارعا قولۇشىن بەرۋ. سونداي-اق ەڭ تومەنگى ايلىق تا­بىسى بار ازاماتتار ەرەكشە قولداۋعا يە بولادى. ونىڭ ىشىندە بيۋدجەتتىك سالادا جۇمىس ىستەيتىن قىزمەتكەرلەر دە بار. ەكىنشىدەن – باسپانامەن قامتۋ. سونىمەن قاتار مەديتسينالىق قىزمەت كورسەتۋ, بىلىم بەرۋدىڭ ساپاسىن كوتەرۋ. ۇشىنشىدەن – وڭىرلەر­دى دامىتۋ. الىس ايماقتارعا ساپالى جول سالۋ, اۋىزسۋمەن, ەلەكتر قۋاتىمەن قامتۋ تولىق شەشىمىن تابادى. كەزدەسۋدە حالىقتىڭ پىكىرى ەسكەرىلىپ, ۇسىنىستار ايتىلدى.
پارتييا حاتشىسىنىڭ ايۋىنشا, ەلباسى باستامالارى ايماقتاردا دەر ۋاقىتىندا ىسكە اسادى. – بارلىعى دا – حالىق ۇشىن. پار­تييانىڭ ۇستانىمى – وسى. «باقىتتى وتباسى», «قۇتتى مەكەن», «اۋىل – ەل بەسىگى» پارتييالىق جو­بالارى از قام­تىل­عان جانە كوپبالالى وت­باسىلاردى قولداۋدى, اۋىلدىق جەرلەردە ين­فرا­قۇرىلىمدى دامىتۋدى كوزدەيدى. پار­تييا جوبالارى اتى ايتىپ تۇرعانداي حالىققا جەدەل تۇردە ناقتى كومەك كورسەتۋگە باعىتتالعان. الەۋمەتتىك جوبالار اياسىندا قوعامدىق قابىلداۋ بولمەسىندە «بىرىڭعاي الەۋمەتتىك تەرەزە» اشىلعالى 300-دەن استام وتى­نىش كەلىپ تۇسكەن. ونىڭ 70 پايىزدان استامى تۇرعىن ۇيگە, 20 پايىزى الەۋ­مەتتىك جاردەماقىعا قاتىستى. وسى جانە دە باسقا ماسەلەلەر پارتييالىق جو­بالار اياسىندا وڭتايلى شەشىمىن تابادى, – دەدى قانىبەك جۇماشەۆ.
پارتييا حاتشىسى وسى باعىتتاردى ىسكە اسى­رۋ ۇشىن قالالىق, اۋداندىق پار­تييا فيليالدارى توراعالارىنىڭ بى­­رىن­شى ورىنباسارلارى مەن كەڭەس­شى­لە­رى­مەن كەزدەسۋ وتكىزدى. قابىلداۋ بول­­مە­لەرىنە كەلگەن اربىر ازاماتتىڭ وتى­نىشىن مۇقييات تىڭداپ, زاڭ اياسىندا عانا جاۋاپ بەرۋمەن شەكتەلمەي, ۇكى­مەتتىك ەمەس ۇيىم­دار­مەن, كاسىپ­كەر­لەر­مەن, ەرىكتىلەرمەن, اتقارۋشى ور­گان­دار­مەن بىرلەسە ماسەلەنى شەشۋ جول­دا­رىن قاراستىرۋ قاجەتىن باسا ايتتى.
مايرا جانىسباي, اقتوبە وبلىسى

بولىسۋ: