دەپۋتات شاراپاتى

458
0
بولىسۋ:

Nur Otan پارتيياسى ەلباسىنىڭ تۇرمىسى تومەن وتباسىلاردىڭ, ونىڭ ىشىندە كوپبالالى جانە تولىق ەمەس جانۇيالاردىڭ جۇرت قاتارىنان قالماۋىن قامتا­ماسىز ەتىپ, جان-جاقتى قول­داۋ كورسەتۋ جايلى تاپسىرما­لارىنىڭ ىس جۇزىنە اسۋىنا مۇمكىندىگىنشە ۇلەس قوسۋدا. وسى ورايدا اتالعان پارتييانىڭ «باقىتتى وتباسى» اتتى اكتسيياسى باستالعاننان بەرى جەتىسۋ جەرىندە بىرقاتار قايىرىمدىلىق شارالارى وتكىزىلگەنىن اتاپ وتكەن جون. حالقىنىڭ سانى ەكى ميلليوننان اساتىن الماتى وبلىسىنىڭ ار وڭىرىندە تۇرعىنداردىڭ الەۋمەتتىك جاعدايىن جاقسارتۋ, باسپانامەن قامتۋ, جۇمىسقا ورنالاستىرۋعا قاتىستى ناقتى جۇمىستار اتقارىلۋدا.

كوكتەمنىڭ العاشقى مەرەكەسىنەن باستاپ وبلىس ورتالىعى تالدىقورعان قالاسىندا بىرنەشە تۇرمىسى تومەن, كوپبالالى وتباسىعا قارجىلاي كومەك پەن باسپانا الۋعا قاراجات بەرىلىپ, جومارت جۇرەكتى جاندار ولاردى ازىق-تۇلىكپەن, تاعى دا باسقا تۇرمىستىق كەرەك-جاراقپەن قامتاماسىز ەتۋگە بەل­سەندىلىكپەن اتسالىسۋدا. جاق­سى­لىق كەرۋەنىن قوعامدىق ۇيىمدار دا بىراۋىزدان قولداپ, الەۋمەتتىك تۇر­عىدا از قامتىلعان جەرلەستەرىنە وز تاراپ­تارىنان كومەك بەرۋدى قولعا الۋدا.
كۇنى كەشە جەتىسۋلىق جومارت جانداردىڭ بىرىنىڭ ىقپالىمەن تاعى بىر وتباسى باسپانالى بولدى. الماتى وبلىستىق ماسليحاتىنىڭ دەپۋتاتى, وبلىستىق يندۋستريالدى-يننوۆا­تسييالىق, ەنەرگەتيكا جانە تۋريزمدى دامىتۋ كوميسسيياسىنىڭ مۇشەسى, «بيك service» جشس ديرەكتورى قۋات سۇلتانعازيەۆ ەڭبەك­شىقازاق اۋ­دانىنداعى ماساق اۋىلىنىڭ تۇرعىنى رۋسلان قاراقويشيەۆتىڭ الەۋمەتتىك جاعىنان از قامتىلعان وتباسىنا وسى ەلدى­مەكەندەگى جاڭا ۇيدى تارتۋ ەتىپ, وتاعاسى رۋسلان ادىل­حانۇلىنىڭ جۇمىسقا ورنالاسۋىنا ىقپال ەتتى.
قۋات ەلەۋسىزۇلى – پارتييانىڭ بار­­لىق جوبالارىنىڭ جۇزەگە اسۋىنا تۇراقتى تۇردە اتسالىسىپ, قايىرىم­دى­لىق اكتسييالارىنىڭ بەل ورتاسىندا جۇرەتىن ازامات. شەلەك اۋى­لىن­داعى با­لا­لار ۇيىندەگى بۇلدىرشىندەردىڭ اسى­­عا كۇتەتىن قامقورشىلارىنىڭ بىرى.
«الماتى وبلىسىنىڭ اتىنان دەلەگات رەتىندە قاتىسقان Nur Otan پارتيياسىنىڭ كەزەكتى حVىىى سەزىندە مەملەكەت باسشىسى, پارتييا توراعاسى نۇرسۇلتان نازارباەۆ بيلىكتىڭ بارلىق تۇتقاسىنا تۇرعىنداردىڭ الەۋمەتتىك جاعدايىن جاقسارتۋ جونىندە ناقتى تاپسىرمالار بەرىپ, پارتيياعا ماڭىز­دى مىندەتتەمەلەردىڭ ورىندالۋىن ۇنەمى نازاردا ۇستاپ, باسقالارعا ۇلگى بولارلىق شارالاردى قولعا الۋدى جۇكتەدى. وسىعان بايلانىستى پار­تييالىق باعدارلامانىڭ قابىلدانۋى يگىلىكتەرگە ۇيىتقى بولارى سوزسىز. مەن دە وز تاراپىمنان ورتاق ىسكە ۇلەس قوسۋدى ويعا ال­دىم جانە بۇل باعىتتا العاشقى قادامىمدى جا­سادىم. كوپ­بالالى وتباسىلارعا, جالعىز­باستى انالارعا قاشان دا جاناشىرلىق كوڭىل بىلدىرەتىن مەيىرىمدى جانداردىڭ جاق­سى ارە­كەتىنەن وزگە ادامدار ۇلگى الا­تىنان سەنەمىن. قازاقستانداعى بيز­نەس­تىڭ الەۋمەتتىك جاۋاپ­كەرشىلىگى – تۋعان جەردىڭ, اۋداننىڭ, قالانىڭ وركەندەۋىنە وزىندىك ۇلەس قوسۋ ارقىلى مەم­لەكەتتىڭ دامۋىنا ات سالىسۋ دەپ وي­لايمىن», – دەيدى قۋات ەلەۋسىزۇلى.

بولات اباعان, الماتى وبلىسى

بولىسۋ: