جاڭا جاسىڭمەن, ۇلى دالام!

452
0
بولىسۋ:

Nur Otan پارتيياسى اتىراۋ وبلىستىق فيليالى مەن «سەنىم» باستاۋىش پارتييا ۇيىمى كورىسۋ مەيرامىنا وراي «جاڭا جاسىڭمەن, ۇلى دالام!» اتتى ۇلتتىق قۇندىلىقتاردى ناسيحاتتايتىن شارا وتكىزدى.

ەلباسىمىز ن.نازارباەۆ وزىنىڭ «بولاشاققا باعدار: رۋحاني جاڭ­عىرۋ» ماقا­لا­سىندا ەلىمىزدىڭ ۇلتتىق قۇندى­لىق­تارىن ناسيحات­تاي وتىرىپ, وس­كە­لەڭ ۇرپاقتىڭ بويىندا پا­تريوت­تىق سەزىمدى قا­لىپتىستىرۋ كە­رەك ەكەنىن اتاپ وتكەن بولا­تىن.
كورىسۋ مەيرامىنا وراي, ارۋ اق جايىق­تىڭ جاعاسىندا ورىن تەپكەن ەڭسەسى بيىك, ابى­رويى اسقاق كاسپيي وڭىرىنىڭ قازىرگى زا­مانعى جوعارى كوللەدجى اشىق اسپان استىندا «كىتاپ الماسۋ» اكتسيياسىن ۇيىمداستىردى. بۇل اكتسييانىڭ ماقساتى – ستۋدەنتتەردىڭ بىلىمگە دەگەن قۇشتارلىعىن ارتتىرىپ, كىتاپقا دەگەن سۇيىسپەنشىلىكتەرىن وياتۋ. سونىمەن قاتار وتكەن وقۋ جىلىندا ۇيىمداستىرىلعان جال­پى جۇلدە قورى 100 000 تەڭگەنى قۇ­رايتىن «كىتاپ وقۋ كوشباس­شىسى» ونلاين بايقاۋىنىڭ دا جۇلدەگەرلەرى ديپلوممەن, سەر­تيفي­كاتتارمەن جانە اقشالاي سىي­لىقتارمەن ماراپاتتالدى.
اتىراۋ وبلىسى «جاس وتان» جاستار قانا­تىنىڭ توراعاسى رينات عيلاجەۆ جاستاردى ۇلتتىق مەيرامداردىڭ ماعىناسىن تەرەڭ ۇعىنىپ, جاستار اراسىندا كىتاپ وقۋدى ادەتكە اينالدىرىپ, بىلىمگە قۇشتارلىقتى دامىتا بەرۋگە تىلەكتەستىك بىلدىردى.
تاعىلىمدى وتكەن شارادا وڭىرگە بەلگىلى اقساقال اقمىرزا باتىرقايىرۇلى باتا بەرىپ, ەلگە تىنىشتىق,ادامزاتقا اماندىق تىلەدى. دانا حالقىمىز «ەرىم دەگەن ەل بولماسا, ەلىم دەيتىن ەر قايدان بولسىن» دەپ بەكەر ايت­پاسا كەرەك. كوك اسپاننىڭ استىندا كوك باي­راعىن تۇعىرىنا كوتەرگەن, كوك­بو­رىدەي رۋحتى بىزدىڭ ازات حالقىمىزدى جاستارى ارىندى, جىگەرى جالىندى بولعاي!
تۇرسىن جۇمابەكقىزى, اتىراۋ وبلىسى

بولىسۋ: