باعالاۋ قاعيداتى وزگەرەدى

591
0
بولىسۋ:

استانادا پرەزيدەنت اكىمشىلىگىنىڭ باسشىسى اسەت يسەكەشەۆتىڭ توراعالىعى­مەن مەملەكەت باسشىسىنىڭ تاپسىرمالارىن تيىمدى جانە ساپالى ورىنداۋدى, مەملە­كەتتىك باعدارلامالار مەن رەفورمالاردى جۇزەگە اسى­­­­رۋ­دى قامتاماسىز ەتۋ ما­­سەلەلەرى بويىنشا كەڭەس وتتى.

كەڭەس بارىسىندا ا.يسەكەشەۆ ەلباسى تاپسىرمالارىنىڭ تولىق ارى ساپالى ورىندالۋىن باقى­لاۋدى كۇشەيتۋدىڭ ماڭىزىن اتاپ وتتى. پرەزيدەنت اكىمشىلىگى باس­شىسىنىڭ حابارلاۋىنشا, ەل پرەزيدەنتىنىڭ قازاقستان حالقىنا جولداۋىنداعى مىندەتتەردى, مەم­لەكەتتىك باعدارلامالاردى, «100 ناقتى قادام» ۇلت جوسپارىن ارى قاراي جۇزەگە اسىرۋ ماقساتىندا باقىلاۋ جانە مونيتورينگتەۋ جۇيەسى ەندىرىلەتىن بولادى. ول جۇيە ناقتى ناتيجەلەرگە قول جەتكىزىلۋىنە باعدارلانباق.
وسى ورايدا اسەت يسەكەشەۆ مەملەكەتتىك ورگانداردىڭ قىز­مەتى, ەلباسى الدەنەشە رەت باسا ايت­قان­داي, حالىقتىڭ ال-اۋقاتىن, تا­بى­سىن جانە تۇرمىس ساپاسىن ارت­تى­رۋعا باعىتتالۋعا تيىستىگىن اتاپ وتتى.
«ۇدايى الەۋمەتتىك زەرتتەۋلەر جانە تالداۋ نەگىزىندە ەل وڭىر­لەرىنىڭ وتكىر ينفراقۇرىلىمدىق جانە الەۋمەتتىك ماسەلەلەرىنىڭ كارتاسى ازىرلەندى. ول ارى قاراي­عى جۇمىس ۇشىن ۇكىمەت پەن اكىم­دەرگە تاپسىرىلدى», – دەدى پرە­زيدەنت اكىمشىلىگىنىڭ باسشىسى.
سونىمەن قاتار بارلىق اۋدان­دىق جانە قالالىق اكىمدىكتەردە تىكەلەي وزارا ىس-قيمىل جانە حا­لىق­پەن كەرى بايلانىس جۇيەلەرى ەندى­رىلەتىن بولادى. بۇل جۇرتشى­لىقتىڭ كوكەيكەستى ماسەلەلەرىن جەدەل شەشۋگە جانە وڭىرلەردەن ايقىن-وبەكتيۆتى اقپارات الۋعا مۇمكىندىك بەرەدى. بۇل جۇمىس قازاقستان پرە­زيدەنتى باستاماشى بولعان «حالىققا كومەك» جوباسى اياسىندا Nur Otan پارتيياسىمەن بىرلەسە جۇرگىزىلەدى.
اسەت يسەكەشەۆ پرەزيدەنت اكىمشىلىگى الەۋمەتتىك ساياساتتى پار­مەندى جۇزەگە اسىرۋعا, قۇقىق­تىڭ ۇستەمدىگى مەن ازاماتتاردىڭ قا­­ۋىپ­سىزدىگىن قامتاماسىز ەتۋگە, مەم­­­لەكەتتىك قىزمەتتەردىڭ ساپا­سىن ارتتىرۋعا, سىبايلاس جەم­قور­لىق­پەن كۇرەسكە, وڭىرلىك ينفرا­قۇ­رى­لىم ساپاسىن جوعارىلاتۋعا, سونىڭ ىشىندە «قۇتتى مەكەن» جانە «اۋىل – ەل بەسىگى» جوبا­لارىنا, سون­­­داي-اق «رۋحاني جاڭ­عىرۋ» باع­دار­لاماسى اياسىنداعى جوبالاردى بەلسەندى ىسكە اسىرۋعا بۇدان بىلاي دا ايرىقشا كوڭىل بولەتىنىن مالىم ەتتى.
سوڭىندا اسەت يسەكەشەۆ جەرگىلىكتى جانە ورتالىق مەم­لەكەتتىك ورگاندار باسشىلارىنىڭ جۇمىسىن باعالاۋ قاعيداتتارى وزگەرەتىنىنە توقتالدى. ول وزگە­رىستەر رەفورمالار مەن مەملە­كەتتىك باعدارلامالاردىڭ تيىمدى جۇزەگە اسىرىلۋىن باقىلاۋ جانە مونيتورينگ جۇرگىزۋدىڭ جاڭا جۇيەسىن ەندىرۋدى كوزدەيدى.

ايحان شارىپ

بولىسۋ: