اق جايىق اتىرابىندا

613
0
بولىسۋ:

ەلباسى نۇرسۇلتان نازارباەۆتىڭ جاڭا سيپاتتاعى الەۋمەتتىك قامقورلىق باستامالارىن جۇزەگە اسىرۋدىڭ جاي-جاپسارىن جايىق جۇرتىنا جەتە تۇسىندىرۋ نيەتىمەن باتىس قازاقستان وبلىسىنا كەلگەن ۇكىمەتتىك دەلەگاتسييا قالىڭ بۇقارامەن جۇزدەستى. وسى باعىتتاعى العاشقى كەزدەسۋ سارسەنبىدە باتىس قازاقستان وبلىستىق ماسليحاتىنىڭ عيماراتىندا وتتى. پرەمەر-مينيستردىڭ ورىنباسارى گۇلشارا ابدىقالىقوۆا باستاعان الەۋمەتتىك سالاعا جاۋاپتى مينيسترلەردىڭ, اتاپ ايتساق, ەڭبەك جانە حالىقتى الەۋمەتتىك قورعاۋ مينيسترى بەردىبەك ساپارباەۆتىڭ, بىلىم جانە عىلىم مينيسترى كۇلاش شامشيدينوۆانىڭ, دەنساۋلىق ساقتاۋ مينيسترى ەلجان بىرتانوۆتىڭ, يندۋسترييا جانە ينفراقۇرىلىمدىق دامۋ مينيسترلىگى قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتىنىڭ توراعاسى مارحابات جايىمبەتوۆتىڭ, Nur Otan پارتيياسىنىڭ حاتشىسى قانىبەك جۇماشەۆتىڭ الەۋمەتتىڭ تالاپ-تىلەگىنە كەلگەنىنەن حاباردار بولعان 300-گە جۋىق ورالدىق جينالىسقا قاتىستى.

– استانادان ارنايى ۇكىمەت مۇشەلەرىنىڭ ورال وڭىرىنە كەلۋى ەلباسىنىڭ جاڭا الەۋمەتتىك تالاپتارىنىڭ ساپالى ارى تيياناقتى جۇرگىزىلۋىنە سەپتىگىن تيگىزەدى دەگەن زور سەنىمدەمىز. تۇرمىسى تومەن وتباسىلارعا ارنالعان جاردەماقىنىڭ 1 ساۋىردەن باستاپ بەرىلە باس­تايتىنى وبلىس تۇرعىندارى كوڭىلىنەن شىعىپ وتىر. وب­لىستا 6 912 تابىس-كىرىسى از كوپبالالى وتباسى بار. وسى وتباسىلاردا 28 253 بالا تار­بيەلەنۋدە. مەملەكەت تارا­پى­نان كورسەتىلەتىن اتاۋلى الەۋ­مەتتىك كومەكتىڭ جاڭا تۇج­ى­رىمداماسىنا سايكەس بىلتىر 16 مىڭعا جۋىق ازامات قولداۋ العان بولسا, بيىل 25 مىڭعا جە­تەدى دەگەن بولجامىمىز
بار, – دەي كەلە وبلىس اكىمى التاي كولگىنوۆ العاشقى سوز كەزەگىن پرەمەر-مينيستردىڭ ورىنباسارى گۇلشارا ابدى­قالىقوۆاعا ۇسىندى.
– بۇل ساپارداعى بىزدىڭ نەگىزگى مۇرات-ماقساتىمىز – وڭىرلەردى ارالاپ, الەۋمەتتىك قامقورلىق اياسىنداعى سوڭعى وزگەرىستەردى حالىققا تۇسىندىرۋ. سونىمەن قاتار ازاماتتاردى الەۋمەتتىك ماسەلەلەرى بو­يىنشا قابىلداپ, تۋىنداعان ماسەلەلەردى جەرگىلىكتى اكىم­دەرمەن بىرلەسە وتىرىپ شەشۋ. الەۋمەتتىك قامقورلىق با­عىتىنداعى وزگەرىستەردى ۇش توپقا بولىپ ايتار بولسام, بىرىنشىدەن, از قامتىلعان وت­باسىلارعا كومەك بەرۋ مەن ەڭ از جالاقى الاتىن قىزمەت­كەرلەردى قولداۋ. ەكىنشىدەن, باسپانا ما­سەلەسىن شەشۋ جانە بىلىم بە­رۋ مەن دەنساۋلىق ساقتاۋ سالا­لا­رىنداعى قىزمەت كورسەتۋ سا­پا­سىن ارتتىرۋ. ۇشىنشى باعىت – وڭىرلەردى دامىتۋعا قاتىستى ىس-شارالار كەشەنىن قامتيدى, – دەدى گۇلشارا ناۋشاقىزى.
ەڭبەك جانە حالىقتى الەۋ­مەتتىك قورعاۋ مينيسترى بەر­دىبەك ساپارباەۆتىڭ بايان­دا­ماسى بارشا جيىنعا قاتىسۋ­شىلارعا, اسىرەسە, الدىڭعى قا­­تار­لارعا جايعاسقان كوپ­با­لالى انالارعا مول ماعلۇمات بەردى.
– وسى جىلدىڭ بىرىنشى شىلدەسىنەن باستاپ ەڭ تومەنگى جالاقى الاتىن قىزمەتكەر­لەردىڭ جالاقىسى ورتا ەسەپپەن 15 پايىزدان 30 پايىزعا دەيىن وسەدى. ەڭ كەم دەگەندە 1 ميل­لي­وننان استام قازاقستاندىقتىڭ جالاقىسى ارتادى. نەگىزىنەن, بىلىم, دەنساۋلىق, مادەنيەت, سپورت جانە الەۋمەتتىك سالا قىزمەتكەرلەرى قامتىلادى. اۋدان-اۋىلدار مەن وبلىس ور­تالىقتارىندا حالىقپەن تىكە­لەي جۇمىس ىستەيتىن قىز­مەت­كەرلەردىڭ دە جالاقىسى كو­بە­يەدى. بىزدىڭ بولجامىمىز بو­يىنشا, ەڭ كەم دەگەندە 75 مىڭ ادام قامتىلادى.
كەلەسى ماسەلە – كوپبالالى از قامتىلعان وتباسىلارعا كو­مەك كورسەتۋ. ار بالاعا بەرىلە­تىن 20 789 تەڭگە الەۋمەتتىك جار­دەماقىمەن 830 مىڭعا جۋىق قا­زاقستاندىق قامتا­ما­سىز ­ەتى­لە­دى. سونىڭ ىشىندە 24 480 ادام – باتىسقازاق­ستان­دىقتار. جاڭاشا تاسىلمەن تا­عايىندالاتىن اتاۋلى الەۋ­مەت­تىك كومەك وتباسىلاردى قار­جىلاي قولداۋمەن قاتار, ازا­ماتتاردىڭ جاڭادان ماماندىق الۋىنا, الەۋمەتتىك جۇمىسقا ورنالاسۋىنا, جاستاردى جۇ­مىس­پەن قامتۋعا سەپتىگىن تيگى­زەدى. بۇعان دەيىن ااك مولشەرى 4 834 تەڭگە بولسا, 1 ساۋىردەن باس­تاپ 20 789 تەڭگەگە دەيىن ار­تادى, – دەگەن بەردىبەك ماش­بەكۇلى كوپبالالى جالعىزباستى انانى مىسالعا كەلتىرە وتىرىپ, تاعايىندالاتىن جاردەماقى مولشەرىن ەسەپتەپ بەردى. وسى­عان دەيىن تورت بالاسىن جالعىز تاربيەلەپ وتىرعان جۇمىسسىز اناعا 63 240 تەڭگە جاردەماقى تولەنگەن بولسا, وزگەرىستەرگە سايكەس 103 945 تەڭگەنى قۇراي­تىن بولادى. بالا كۇتىمىنە ار­نالعان جاردەماقىنىڭ وسى­مى­مەن ايىنا 114 449 تەڭگە جار­دەماقى تاعايىندالادى.
– «بىلىم سالاسىندا كوپتە­گەن وزگەرىستەر بولىپ جاتىر, سول وزگەرىستەردى جۇيەلى ناتي­جەگە جەتكىزۋ كەرەك» دەپ ەلباسى ايتقانداي, بىلىم سالاسىندا اتقارىلاتىن جۇمىس كوپ, – دەپ باستادى سوزىن بىلىم جانە عىلىم مينيسترى كۇلاش شام­شيدينوۆا. – الدىمىزداعى ۇش جىل ىشىندە ەلىمىزدە 190 مەكتەپ سالىنادى. ەڭ بىرىنشى اپاتتى جاعدايدا تۇرعان جانە ۇش اۋى­سىمدى مەكتەپتەردىڭ عيما­رات­تارى جاڭارتىلادى. ار بالا­نىڭ ساپالى بىلىم الۋى مەن ومىرىنىڭ قاۋىپسىزدىگىن باستى نازاردا ۇستا­ۋىمىز كەرەك. قازىر باتىس قا­زاقستان وبلىسىندا ۇش مەك­تەپ­تىڭ قۇرىلىسى جۇرىپ جاتىر, – دەگەن كۇلاش شام­شيدينوۆا ەڭبەك جانە حالىقتى الەۋمەتتىك قورعاۋ مينيستر­لىگىمەن بىرلەسىپ, ەل ەكونومي­كا­سىنا اسا قاجەت 100 ماماندىق ناقتىلانعانىن, ال جەرگىلىكتى اكىمدىكتەرمەن, جۇمىس بەرۋشى­لەرمەن جانە قوعامدىق ۇيىم­دارمەن بىرگە وڭىرلەردەگى ۇزدىك كوللەدجدەردى انىقتاۋ جانە دامىتۋ قولعا الىنعانىن جەتكىزدى.
جيىندا سوز العان دەنساۋ­لىق ساقتاۋ مينيسترى ەلجان بىرتانوۆ مەديتسينالىق قىزمەت ساپاسىن ارتتىرۋ, دارىگەرلەردىڭ تاپشىلىعى ماسەلەلەرىنە توق­تالىپ, بۇل باعىتتا اتقا­رى­لاتىن ىس-شارالار تۋرالى كەڭىنەن اڭگىمەلەپ بەردى.
– ەلباسى تاپسىرماسىنا وراي, ەلىمىزدە ۇش جىل ىشىندە 595 ەمحانا مەن امبۋلاتورييا سالىنادى. 90 پايىزى اۋىلدىق جەرلەردە بوي كوتەرەدى. ماق­ساتىمىز – ۇش جىلدىڭ ىشىندە بارلىق اۋىل تۇرعىندارىن العاشقى مەديتسينالىق كو­مەكپەن قامتاماسىز ەتۋ, ار اۋىل تۇرعىنى وز دارىگەرى مەن مە­يىربيكەسىنە ەمدەلە الاتىنداي جاعداي تۋعىزۋ. سىزدىڭ وبلىستا ۇش جىلدا 22 مەديتسينالىق مەكەمە اشۋ جوسپارلانىپ وتىر, – دەدى ەلجان بىرتانوۆ.
Nur Otan پارتيياسىنىڭ حاتشىسى قانىبەك جۇماشەۆ بولسا, «قۇتتى مەكەن», «اۋىل – ەل بەسىگى», «باقىتتى وتباسى» جانە «حالىققا كومەك» بىرىڭ­عاي الەۋمەتتىك تەرەزە» پار­تييالىق جوبالارىنىڭ ماقسات-مىندەتتەرىنە توقتالدى.
بۇدان سوڭ ۇكىمەتتىڭ جۇمىس توبىنىڭ مۇشەلەرى تۇرعىن­داردىڭ وتىنىش-تىلەكتەرى مەن ۇسىنىس-پىكىرلەرىنە قۇلاق تۇردى. باس-اياعى جيىرمادان استام ازاماتتىڭ, ولاردىڭ باسىم بولىگى كوپبالالى انالار ماسەلەسى تىڭدالدى. ميكروفون ارقىلى تالاپ-تىلەكتەرىن ايت­قانداردىڭ دەنى اتاۋلى الەۋ­مەتتىك كومەك, باسپانامەن قام­تۋ, الەۋمەتتىك جاردەماقى تا­عايىنداۋ جانە قايتارىمسىز گرانت الۋ سيياقتى ماسەلەلەردى كوتەردى. بىرقاتارىنا لەزدە جاۋاپ قايتارىلسا, كەيبىر تۇر­عىندارمەن مينيسترلەر جەكە-جەكە تىلدەستى.
ال كەلەسى كۇنى ورال قالا­سىنداعى «سمارت ورال» حالىققا قىزمەت كورسەتۋ ورتالىعىنىڭ جۇمىسىمەن تانىسۋدان باس­تاعان ۆيتسە-پرەمەر گۇلشارا ابدىقالىقوۆا مەن ەڭبەك جانە حالىقتى الەۋمەتتىك قورعاۋ مينيسترى بەردىبەك ساپارباەۆ ورتالىق قىزمەتىنە جۇگىنۋشى جۇرتشىلىقتىڭ وتىنىش-پى­كىرلەرىنە دە قۇلاق استى.
بۇدان سوڭ ۇكىمەتتىك جۇمىس توبىنىڭ مۇشەلەرى ورال قا­لاسىنداعى جۇمىسپەن قامتۋ ورتالىعى مەن زەينەتاقى تولەۋ جونىندەگى مەملەكەتتىك ورتا­لىقتىڭ بولىمشەسىندە بولدى.
پرەمەر-مينيستردىڭ ورىن­باسارى گۇلشارا ابدىقا­لىقوۆاعا وبلىس اكىمىنىڭ ورىن­باسارى بيبىگۇل قونىسباەۆا جۇمىسپەن قامتۋ ورتالىعى تۋ­رالى بايانداسا, بقو اقپارات­تاندىرۋ, مەملەكەتتىك كورسە­تىلەتىن قىزمەت جانە ارحيۆتەر باسقارماسىنىڭ باسشىسى سا­كەن نۇرتازيەۆ Telegram-بوتتىڭ جۇمىسىمەن تانىستىردى.
كەشكىسىن ورالداعى ترانس­فارماتور شىعارۋعا مامان­دانعان كاسىپورىندا بولعان پرەمەر-مينيستردىڭ ورىن­باسارى گ.ابدىقالىقوۆا مەن ەڭبەك جانە حالىقتى الەۋمەتتىك قورعاۋ مينيسترى بەردىبەك ساپارباەۆ ونىمدەرىنىڭ باسىم كورشىلىگى ەكسپورتقا جونەل­تىلەتىن زاۋىت ۇجىمىنا ريزا­شىلىعىن بىلدىردى.
بۇدان كەيىن ۇكىمەتتىك دەلەگاتسييانىڭ مۇشەلەرى وبلىس ورتالىعىنداعى بىرقاتار نى­ساندا بولدى جانە كوپبالالى جانۇيالاردىڭ تۇرمىس-تىرشى­لىگىمەن تانىستى. سونىمەن قاتار ۇكىمەتتىك دەلەگاتسييا وبلىستىڭ بايتەرەك, بورلى جانە تەرەكتى اۋداندارىندا بولىپ, بىلىم بەرۋ جانە دەن­ساۋلىق ساقتاۋ مەكەمەلەرىنىڭ جۇمىسىمەن تانىسىپ ارى جەر­گىلىكتى جۇرتتىڭ كۇندەلىكتى ومى­رىن وز كوزىمەن كورىپ, اۋدان-اۋىل حالقىنىڭ دا تالاپ-تىلە­گىنە قۇلاق تۇردى.

باۋىرجان عۇبايدۋللين,
دينارا الپەيىسوۆا,
باتىس قازاقستان وبلىسى

بولىسۋ: