«قۇتتى مەكەن» جاۋاپكەرشىلىكتى كوتەرەدى

444
0
بولىسۋ:

ەلباسى – Nur Otan پارتيياسىنىڭ توراعاسى نۇرسۇلتان نازارباەۆ پارتييانىڭ XVIII سەزىندە «قۇتتى مەكەن» جوباسىن ىسكە اسىرۋدى تاپسىرعان بولاتىن. بۇل جوبا 7,5 ملن اۋىل تۇرعىنىنىڭ جاعدايىن جاقسارتۋعا مۇمكىندىك بەرەدى. ول ۇشىن, ەڭ الدىمەن, ۇكىمەت اكىمدەرمەن جانە ماسليحاتتارمەن بىرىگىپ, كەلەشەگى بار اۋىلداردى ىرىكتەپ, الەۋمەتتىك نىساندار مەن ينتەرناتتار تۇرعىزۋ جۇمىستارىن جۇرگىزۋدى جۇكتەگەن-دى.

نۇرسۇلتان ابىشۇلى «قۇتتى مەكەن» جوباسى تۋرالى ايتا كەلە, «سامۇرىق-قازىنا» ال-اۋقات قورى­نىڭ باسقارما توراعاسى احمەتجان ەسىموۆتىڭ اۋىل شارۋا­شىلىعى مينيسترى بولىپ تۇرعان جىلدارى جۇرگىزىلگەن تاجىريبەنى ەسكە سالدى.
«7 مىڭنان استام اۋىلدى ۇش توپقا بولىپ قاراستىردىق. حالىق سانى كوپ, ورتالىقتاعى اۋىلدار­دى ارى قاراي دامىتىپ, جاعدايى ورتاشا اۋىلدارعا كومەكتەسۋ كەرەك. سوسىن كىشىگىرىم اۋىلدار بار. 10-20 ۇيى بار اۋىلدارعا اۋرۋحانا, مەكتەپ سالۋدىڭ قاجەتى جوق. سوندىقتان اۋدان ورتا­لىق­تارىنىڭ ينفراقۇرىلىمىن جاق­سارتۋ كەزىندە بىردەن ينتەر­ناتتار تۇرعىزۋ كەرەك. سەبەبى, با­لالار ساپالى بىلىم, ساپالى مەدي­تسيناسى بار جەردە وسۋى تيىس. اۋىلدارمەن وسىنداي تاسىل ار­قىلى جۇمىس ىستەۋىمىز قاجەت», – دەدى.
سودان بەرى سەڭ قوزعالدى. جوبا شەڭبەرىندە ينجەنەرلىك ينفرا­قۇرى­لىمدى دامىتۋ, اۋىزسۋمەن قامتۋ, جول قۇرىلىسى, ينتەرنەتپەن قامتاماسىز ەتۋ سيياقتى جۇمىستار جۇزەگە اسىرىلا باستايدى. ناتي­جەسىندە, جاستار­دىڭ اۋىلدا تۇرىپ, جۇمىس ىستەۋىنە دە قولايلى جاعداي جاسالادى.
Nur Otan پارتيياسىنىڭ حات­شىسى يليا تەرەنچەنكونىڭ پى­كىرىنشە, «قۇتتى مەكەن» جو­باسىن جۇزەگە اسىرۋ بارىسىندا, ال­دىمەن بارلىق دەڭگەيدەگى ماسلي­حاتتار­داعى پارتييا فراك­تسييالا­رىنىڭ جانىنان قۇرىلعان «نۇرلى جول» جانە «نۇرلى جەر» باعدارلامالا­رىنىڭ ورىندالۋىن باقىلاۋ جو­نىندەگى كوميسسييالار­دىڭ الەۋەتىن تيىمدى پايدالانۋ كەرەك. ەكىنشىدەن, جوبانىڭ ماڭى­زىن حالىققا كەڭى­نەن تۇسىن­دىرۋ جۇمىستارىن جۇرگىزۋ ماڭىز­دى. ۇشىنشىدەن, مەملەكەتتىك باع­دارلامالاردى جۇزەگە اسىرۋ كەزىندەگى قۇقىقبۇزۋشىلىقتاردى دەر كەزىندە انىقتاپ, پارتييا سونداي ولقىلىقتىڭ الدىن الۋى تيىس. سونداي-اق ول اتالعان جوبا اياسىندا جۇرگىزىلەتىن پارتييالىق باقىلاۋ اۋماقتىق, ايماقتىق جانە ورتالىق بولىپ, ۇش دەڭگەيدە ۇيىمداستىرىلاتىنىن تىلگە تيەك ەتتى. تاراتىپ ايتساق, پارتييانىڭ اۋماقتىق فيليالىندا بۇل جوباعا مونيتورينگ جۇرگىزەتىن توپتار, باستاۋىش پارتييا ۇيىمدارى مەن بەلسەندىلەر, سونداي-اق قوعامدىق قابىلداۋلار تارتىلادى.
پارتييانىڭ ايماقتىق فيليا­لىندا جوبانى پارتييا كۋراتور­لارىنىڭ كوميسسيياسى, «نۇرلى جەر», «نۇرلى جول» باعدارلا­مالارى جونىندەگى كوميسسييالار, قوعامدىق كەڭەستەر مەن پارتييا­لىق باقىلاۋ كوميسسيياسى نا­زارىندا ۇستايدى. ال پارتييانىڭ ورتالىق اپپاراتىندا بەس الەۋ­مەتتىك باس­تامانى جۇزەگە اسىرۋ­­دى باقىلاۋ جونىندەگى قوعامدىق كەڭەس, پارتييا كۋراتورلارىنىڭ كوميسسيياسى, «نۇرلى جەر», «نۇرلى جول» كو­ميسسييالارى, پارتييالىق باقى­لاۋ كوميسسيياسى «قۇتتى مەكەن» جو­باسى اياسىنداعى جۇمىستاردى باقىلايتىن بولادى. جوبانىڭ اۋ باستاعى ماقساتى – ينجەنەرلىك جانە الەۋمەتتىك ين­فراقۇرىلىم­داردى دامىتۋعا پار­تييالىق با­قىلاۋ ورناتۋ. جوعا­رىدا اتاپ وتكەن پارتييانىڭ ۇش بۋىنى وسى مىندەتتى اتقارادى. جوبا شەڭبە­رىندە ينفراقۇرى­لىمىن دامىتۋعا مۇقتاج ەلدىمە­كەندەردى, قۇرىلىس ۇشىن الەۋمەت­تىك جانە ينجەنەرلىك ينفرا­قۇ­رىلىمدار نىساندارىنىڭ تىزىمى انىقتالادى. ايماقتىق ساپالى ومىر ستاندارتىنا نەگىز­دەلگەن ەلدىڭ جاڭا كارتاسىن قۇرۋ. وكى­لەتتى قۇقىق قورعاۋ جانە باقى­لاۋ­شى ورگاندارمەن وزارا بايلا­نىستا جۇمىس ىستەيدى. دەپۋتاتتار مەن پارتييا رەزەرۆىندە تۇرعان كادرلاردان نىساندارعا باقىلاۋ جاسايتىن مونيتورينگ توبى قۇرىلادى. ال قوعامدىق باقىلاۋ ۇشىن حالىقتىڭ بەلسەندى بولىگىن تارتۋدى ۇيىمداستىرۋ دا قاراس­تى­رىلعان. ماسليحاتتارداعى پار­تييا فراكتسييالارى ينفرا­قۇ­رى­لىمدى دامىتۋعا جوسپارلانعان بيۋدجەت قارجىسىن ماقساتتى پايدالانۋ ماسەلەسىن نازاردا ۇستايدى. بۇل وز كەزەگىندە ين­فرا­قۇرىلىمداردىڭ ۋاقىتىندا پايدالانۋعا بەرىلۋىنە, قازىنا قارجىسىنىڭ تيىمدى جۇم­سالۋىنا, مەردىگەر كومپانييالار­دىڭ جاۋاپ­كەرشىلىگىن ارتتىرۋعا, سىبايلاس جەمقورلىقتىڭ جولىن كەسۋگە مۇمكىندىك بەرەدى.
وسى تۇستا بىر مىسال, «قۇتتى مەكەن» جوباسى اياسىندا پاۆلو­داردا اپاتتى باسپانانىڭ ورنىنا بوي كوتەرىپ جاتقان جاڭا كوپ­قا­باتتى ۇي پارتييا باقىلاۋىنا الىن­عان. ناتيجەسى سول, بۇل ۇيدىڭ قۇرى­لىسى ساپالى ارى ۋاقىتىندا ورىن­دالىپ جاتىر. ەندى بۇگىنگە دەيىن اپاتتى ۇيدە تۇرىپ كەلگەن 80-گە جۋىق ادام جاڭا باسپاناعا كوشەدى.
پاۆلودارداعى «سارىارقا» شاعىناۋدانىندا ورنالاسقان 9 قاباتتى ۇيدە 72 پاتەر بار. بىل­تىر قۇرىلىسى باستالعان بۇل نىسان مەردىگەردىڭ جاۋاپسىزدى­عىنان توقتاپ قالعان ەدى. «قۇتتى مەكەن» جوباسى ارقىلى قۇرىلىسى جاندانعان باسپانا 7 شىلدەدە تۇرعىندارعا بەرىلمەك.
«سان تەح پلاست» جشس ديرەك­تورى, Nur Otan پارتيياسىنىڭ مۇشەسى باۋىرجان بەكمۇرزاەۆتىڭ ايتۋىنشا, تۇرعىن ۇيدىڭ 9 قا­باتى بىتىپ تۇر, بۇگىندە ىشكى وڭ­دەۋ جۇمىستارى اتقارىلىپ جا­تىر.
«مەنىڭ ويىمشا, بەلگىلەنگەن ۋاقىتتا بىتىرەدى. الەۋمەتتىك ين­فراقۇرىلىمدى دامىتۋ كەزىندە جەمقورلىققا جول بەرىلمەيدى. سەبەبى, وڭىرلەردە بوي كوتەرەتىن نىسان قۇرىلىسىن ارنايى مو­ني­تورينگتىك توپ باقىلادى. جوباعا جاۋاپتى ينسپەكتورلار دا بەكى­تىلگەن. ولار بۇدان بولەك, تۇرعىن­دار ۇسىنىسىن دا ەسكەرۋگە مىن­دەتتى. وسىلايشا, باستاما رەت-رەتىمەن ىسكە اسىپ, اۋىلداردى دامىتۋ قارقىن الادى», – دەيدى ول.
ال «قۇتتى مەكەن» پارتييالىق جوباسىنىڭ جەتەكشىسى نۇرلان باي­مۇرزاەۆتىڭ پىكىرىنشە,
ماق­­سات – ۋاقىتىندا, ساپالى نىسان­دار سالۋ.
«زاڭسىزدىق, سىبايلاس جەم­قورلىق, ۇرلىقتار مەن باسقا جاع­دايلار بولماۋى تيىس. باس پارتييا سەزىندە ەلباسى بۇل ىستە الدىمەن اۋىلداردا ينتەرنات تۇرعىزۋ قا­جەتىن اتاپ وتكەن. بالالار ساپالى بىلىمى مەن مەديتسيناسى بار جەردە وسۋى قاجەت دەگەن. بىز وسى جاعىنا باسا مان بەرەمىز», – دەيدى.
شىمكەنت قالاسىندا تۇرعىن ۇيلەر قۇرىلىسى جوعارى قارقىن­مەن جۇرىپ جاتىر. قالا تۇرعىن­دارىنىڭ الەۋمەتتىك تۇرعىدان وسال توپتارىن باسپانامەن قام­تۋعا دا باسىمدىق بەرىلگەن. وسى رەتتە كەشەندى ىس-شارالار ات­قارىلىپ كەلەدى. «بىلتىر قالادا 4 289 پا­تەرلى 69 ۇي پايدالانۋعا بەرىلسە, بيىل 2 833 پاتەر ەل يگىلىگىنە تاپ­سىرىلماق. تۇرعىن ۇي كەزەگىندەگى ازاماتتاردىڭ 80 پايىزىن جالعا بەرىلەتىن باس­پانا­مەن قامتاماسىز ەتۋ ۇشىن جىل سايىن 3 000 پاتەر پايدا­لانۋعا بەرىلۋى كەرەك ەكەن. كەزەك­تە­گى ازاماتتاردىڭ قالعان 20 پايى­­زىن نەسيەلىك باسپانامەن قامتۋ مۇمكىندىگى بولادى» دەيدى قالالىق ماسليحاتتاعى پارتييا فراكتسيياسىنىڭ مۇشەسى بەكايدار تولەگەنوۆ.

ن.نازارباەۆ:
– 7 مىڭنان استام اۋىلدى ۇش توپقا بولىپ قاراستىردىق. حالىق سانى كوپ, ورتالىقتاعى اۋىلدار­دى ارى قاراي دامىتىپ, جاعدايى ورتاشا اۋىلدارعا كومەكتەسۋ كەرەك. سوسىن كىشىگىرىم اۋىلدار بار. 10-20 ۇيى بار اۋىلدارعا اۋرۋحانا, مەكتەپ سالۋدىڭ قاجەتى جوق. سوندىقتان اۋدان ورتا­لىقتارىنىڭ ينفراقۇرىلىمىن جاقسارتۋ كەزىندە بىردەن ينتەر­ناتتار تۇرعىزۋ كەرەك. سەبەبى, با­لالار ساپالى بىلىم, ساپالى مەدي­تسيناسى بار جەردە وسۋى تيىس. اۋىلدارمەن وسىنداي تاسىل ار­قىلى جۇمىس ىستەۋىمىز قاجەت.

ايدانا بەگىم

بولىسۋ: