ۇكىمەت دەلەگاتسيياسى – تارازدا

424
0
بولىسۋ:

پرەمەر-مينيستر ورىنباسارى گۇلشارا ابدىقالىقوۆا باستاعان, قۇرامىندا ەڭبەك جانە حالىقتى الەۋمەتتىك قورعاۋ ۆيتسە-مينيسترى ە.جىل­­قى­باەۆ, دەن­ساۋلىق ساقتاۋ ۆيتسە-مينيسترى ل.اقتاەۆا, ينۆەس­تي­­تسييا­لار جانە دامۋ مي­نيسترلىگى قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كومي­تەتىنىڭ توراعاسى م.جايىم­بەتوۆ بار ۇكىمەت دەلەگاتسييا­سى جامبىل وبلى­سىندا جۇمىس ساپارىمەن بولدى. جۇمىس توبىنا Nur Otan پار­تييا­سى­نىڭ حاتشىسى تامارا دۇيسەنوۆا دا قوسىلدى.

«10 ساۋىردە ەلباسى Nur Otan پارتيياسىنىڭ ورتالىق اپپ­ارا­تىندا قۇرىلىمدىق بولىمشەلەر جەتەكشىلەرىمەن كەزدەستى. كەز­دەسۋدە بىرىنشىدەن نەگىزگى ماسەلە Nur Otan پارتيياسىنىڭ XVIII سەزىندە بەرىلگەن تاپسىرمالاردىڭ ورىندالۋى جونىندە ايتسا, ەكىن­شىدەن, پارتييانىڭ تورت ۇلتتىق جوباسى نەگىزىندە اتقارىلاتىن شارالارعا توقتالدى. ۇشىنشىدەن, Nur Otan پارتيياسى مۇشەلەرىن كەزەكتەن تىس وتەتىن پرەزيدەنت سايلاۋىنا بەلسەندى قاتىسۋعا شاقىردى», – دەدى Nur Otan پار­تيياسىنىڭ حاتشىسى تامارا دۇيسەنوۆا.
گۇلشارا ابدىقالىقوۆا قازىرگى تاڭدا ەل كولەمىندە كاسىپكەرلەر جو­عارى الەۋمەتتىك جا­ۋاپكەر­شى­لىكتەرىن تانىتىپ, كوپبالالى جانە از قامتىلعان وتباسىلارعا كو­مەك بەرىپ جاتقانىنا توق­تالدى. ۆيتسە-پرەمەر كا­سىپ­ورىن باسشىلارىنان قىزمەتكەرلەردىڭ الەۋمەتتىك ماسەلەلەرىن شە­شىپ قانا قويماي, ولاردىڭ جۇ­مىس كەستەسىن دە قولايلى جاع­داي­عا ىڭعايلاستىرىپ بەرۋىن سۇرادى.
كەلەسى كەزەكتە گ.ابدىقالىقوۆا باستاعان جۇمىس توبى ى.دۇكەنۇلى اتىنداعى قالالىق مادەنيەت ۇيىندە تارازدىق تۇرعىندارمەن كەزدەستى. باسقوسۋعا كوپبالالى انالار, از قامتىلعان وتباسى مۇشەلەرى, ەڭبەك ارداگەرلەرى, مۇمكىندىگى شەكتەۋلى ازاماتتار جانە بىلىم بەرۋ, دەنساۋلىق ساقتاۋ, مادەنيەت سالالارىنىڭ قىزمەتكەرلەرى قاتىستى.
كەزدەسۋ بارىسىندا گۇلشارا ناۋشاقىزى ەلباسىنىڭ «الەۋمەتتىك قامقورلىق» جاڭا الەۋمەتتىك شارالارىنىڭ نەگىزگى باعىتتارى قازىرگى تاڭداعى الەۋمەتتىك سايا­سات شەڭبەرىندە, اربىر تۇرعىننىڭ تۇرمىس ساپاسىن ارتتىرۋ ماق­ساتىندا جۇزەگە اسىپ جاتقانىن ەرەكشە اتاپ وتتى. جيىندا تۇرعىندار ۇكىمەتتىك جۇمىس توبىنىڭ مۇشەلەرىنە ساۋالدارىن جولداپ, ناقتى جاۋاپ الدى.
بۇدان سوڭ پرەمەر-مينيستر ورىنباسارى تاراز قالالىق №5 ەم­حاناعا ات باسىن بۇردى. ەمدەۋ مە­كەمەسىندە بولىپ, ونىڭ جۇمىسى­مەن تانىسقان گ.ابدىقالىقوۆا جامبىل وبلىسىنداعى العاشقى مەديتسينالىق-سانيتارلىق كومەك كورسەتۋ ماسەلەلەرى بويىنشا جيىن وتكىزدى.
بۇگىنگى تاڭدا وبلىس بويىن­شا حالىققا دەنساۋلىق ساقتاۋ ­جۇيەسىنىڭ 30 اۋرۋحانا جانە 148 امبۋلا­تورييالىق-ەمحانالىق ۇيىمدارى مەديتسينالىق كومەك كورسەتۋدە. باستاپقى مەديتسينالىق-سانيتارلىق كومەك كورسەتەتىن دارىگەرلەر ۇلەسى بارلىق دارىگەردىڭ 60,4 پا­يىزىن قۇرايدى. قازىرگى كەزدە ايماقتا مەملەكەتتىك-جەكەمەنشىك ارىپتەستىك شەڭبەرىندە 31 جوبا ىسكە اسىپ جاتىر. سونداي-اق رەسپۋبليكالىق بيۋدجەت ەسەبىنەن وبلىس ورتالى­عىندا
200 ورىندىق ونكو­لو­گييا­لىق ديسپانسەر قۇرىلىسى جۇرگىزىلۋدە.
ۆيتسە-پرەمەر العاشقى مەديتسينالىق-سانيتارلىق كومەك كورسەتۋدىڭ ينفراقۇرىلىمىنىڭ دامۋ دەڭگەيىنە كوڭىل بولدى. وسى كۇنى گۇلشارا ناۋشاقىزى جامبىل جوعارى پوليتەحنيكالىق كوللەدجىنىڭ ماتەريالدى-تەحنيكالىق بازاسىمەن تانىسىپ, كوللەدج ستۋ­دەنتتەرىمەن ەركىن فورماتتا كەزدەسۋ وتكىزدى. كەزدەسۋگە قاتىس­قان جاستار مەملەكەتتىڭ جۇرگىزىپ وتىر­عان جاستار ساياساتىن قولدايتىندارىن جەتكىزىپ, ورامدى ويلارىن ورتاعا سالدى. جيىندا ادامي كاپيتالدىڭ دامۋىنىڭ نەگىزى بىلىم­نەن باستاپ, الەۋمەتتىك-ەڭبەك ساياساتىنىڭ وزەكتى اسپەكتىلەرى تالقىلاندى. جامبىل اۋدانىنىڭ تۇر­عىنى ماحانبەت راحيمجانوۆ جاس­تاردى جۇمىسپەن قامتۋ ماسەلەسىنىڭ وزەكتىلىگىنە توقتالىپ, ول بويىنشا وزىنىڭ بىرقاتار ۇسىنىسىن جەتكىزدى.
جامبىل وبلىسىنداعى جۇمىس ساپارىنىڭ سوڭىندا پرەمەر-مينيستر ورىنباسارى گ.ابدىقالىقوۆا وبلىس باسشىلىعىنا بىرقاتار ناقتى تاپسىرمالار جۇكتەدى.

ابىلمانسۇر جاسان

بولىسۋ: