تەرەنچەنكو تۇرعىنداردى تىڭدادى

414
0
بولىسۋ:

ەلباسى ن.نازارباەۆتىڭ باسشىلىعىمەن Nur Otan پارتيياسى قاشاندا جاڭا ويلار مەن تىڭ باستامالارعا مۇرىندىق بولىپ كەلەدى. اسىرەسە پارتييا تۇراقتى ارى جۇيەلى تۇردە ۇيىمداستىراتىن قوعامدىق قابىلداۋ بولمەسى كومەككە زارۋ, مۇمكىندىگى شەكتەۋلى جاندارعا كەز كەلگەن ىستە كومەك قولىن سوزىپ, كۇرمەۋى قيىن ماسەلەلەردى وڭتايلى شەشىپ كەلەدى. مۇندا كەلۋشىلەردىڭ باسىم بولىگى الەۋمەتتىك, تۇرمىستىق ماسەلەلەرىن العا تارتادى.

Nur Otan پارتيياسى ورتالىق اپپاراتىنىڭ رەسپۋبليكالىق قوعامدىق قابىلداۋ بولمەسىندە ازاماتتاردى الەۋمەتتىك قولداۋ ماسەلەلەرى بويىنشا قابىلداۋ وتتى. Nur Otan پارتيياسىنىڭ حاتشىسى يليا تەرەنچەنكو باسشىلىق ەتكەن كەزدەسۋگە Nur Otan پارتيياسى رەسپۋبليكالىق قوعامدىق قابىلداۋ بولمەسىنىڭ مەڭگەرۋشىسى باقىت تەمىروۆا, Nur Otan پارتييالىق باقىلاۋ قىزمەتىنىڭ باسشىسى اسان ساعاديەۆ, «جاس وتان» جاستار قاناتىنىڭ اتقارۋشى حاتشىسى داۋلەت كارىبەك, Nur Otan پارتييالىق باقىلاۋ قىز­مەتىنىڭ حاتشىسى داۋرەن بيجۇمانوۆ جانە ت.ب. قاتىستى.
قابىلداۋدىڭ العاشقى قوناعى زەينەتكەر, ىى-توپ مۇگەدەگى سابىر سارىباەۆ ەلىمىزدەگى جەتەكشى پارتيياعا كورسەتكەن كومەگى ۇشىن العىس بىلدىردى. ول اسىرەسە بارلىق ۇيىمداستىرۋشىلىق ماسەلەلەردە قۇقىقتىق كومەگىن اياماعان پار­تييالىقتارعا دان ريزا. اڭگىمە بارىسىندا زەينەتكەر «جاس وتان» جاستار قاناتىنىڭ ەرىكتىلەرىنە دە العىسىن جەتكىزدى. شىعىس قازاقستان وبلىسىنان كەلگەن سابىرباي ساحاريەۆ «اۋىل – ەل بەسىگى» پارتييالىق جوباسىنىڭ شەڭبەرىندە «جەكە قوسالقى شارۋاشىلىق­تاردى سۋبسيدييالاۋ» جوباسىنا قولداۋ كورسەتۋىن سۇرادى. وز كەزەگىندە پارتييا حاتشىسى يليا تەرەنچەنكو كاسىپكەر سابىرباي ساحاريەۆتىڭ ۇسىنىسىنا ۇلكەن قىزىعۋشىلىق تانىتىپ, پارتييا مۇشەلەرىنە جانە شىعىس قازاقستان وبلىسى «جاس وتان» جاستار قاناتىنىڭ وكىلدەرىنە فەرمەردىڭ مەم­لەكەتتىك ورگاندارمەن ديالوگىنا تولىق قولداۋ كورسەتۋدى تاپسىردى.
قابىلداۋ بولمەسىنە كەلگەن ەلوردا تۇرعىنى ەرلان يمانباەۆ نۇر-سۇلتان قالاسى مادەنيەت باسقارماسىنىڭ جەكە تۇلعالارىمەن مەملەكەتتىك ساتىپ الۋ راسىمدەرىن بۇزۋ جانە جۇزدەگەن قۇقىق قورعاۋ ورگاندارىنىڭ ارەكەتسىزدىگى تۋرالى ايتىپ, شا­عىم­داندى. كەزدەسۋگە سونداي-اق الماتى, قوستاناي, جامبىل وبلىسىنىڭ تۇرعىندارى دا بەينەبايلانىس ارقىلى بايلانىسقا شىعىپ, تۇرلى ماسەلەلەر بويىنشا ساۋالدارىن جولدادى. الماتى وبلىسىنان قايىركەش وماروۆ جەر تەلىمىنىڭ جالعا الۋ مەرزىمىن ۇزارتۋ ماسەلەسى بويىنشا وتىنىش-تىلەگىن ايتىپ, قوعامدىق قابىلداۋ مەڭگەرۋشىلەرىمەن بايلانىسقا شىقتى. ناتيجەسىندە ق.وماروۆقا تولىق قۇقىقتىق قول­داۋ كورسەتۋ تاپسىرىلدى.
جالعاس الىباەۆ «پسيحولوگييا جانە دەنساۋلىق», «استروفيزيكالىق كوسمولوگييالىق كونستانت», «دەنساۋلىق ساقتاۋ جۇيەسىندە سىبايلاس جەمقورلىققا قارسى ىس-قيمىلدىڭ ساندىق ادىسى» جوبالارىن ىسكە اسىرۋ ماسەلەلەرى بويىنشا وتىنىش-تىلەگىن ايتتى. ال قوستاناي وبلىسىنان بايلانىسقا شىققان اباي بايمۇراتۇلى مەملەكەتتىك ورگانداردىڭ ارەكەتتەرىنە شاعىم جاساي وتىرىپ, سوت شەشىمىمەن كەلىسپەيتىنىن جەتكىزدى.
جامبىل وبلىسىنىڭ تۇرعىنى راحات يتقۇلوۆا قۇقىق قورعاۋ ورگاندارى قىزمەتكەرلەرىنىڭ ارەكەتتەرىنە شاعىمداندى.
قوعامدىق قابىلداۋ بولمەسىندە 20-عا جۋىق ادام Nur Otan پارتيياسىنىڭ حاتشىسىنا ساۋالدارىن جولدادى. ونىڭ ىشىندە سوتتار مەن قۇقىق قورعاۋ ورگاندارىنىڭ, باسقا دا مەملەكەتتىك قۇرىلىمداردىڭ ىس-ارەكەتتەرى تۋرالى شاعىمدار, جەرگىلىكتى بيلىك وكىلدەرىمەن كەزدەسۋلەر ۇيىمداستىرۋ جانە ت.ب ماسەلەلەر بويىنشا وتىنىش-تىلەكتەر ايتىلىپ, تۇرلى ساۋالدارعا جاۋاپ بەرىلدى. قابىلداۋ سوڭىندا يليا تەرەنچەنكو بارلىق ازاماتتاردىڭ ماسەلەسىن وز باقىلاۋىنا الىپ, قۇزىرلى مەكەمەلەرگە تيىستى تاپسىرما بەردى.

ابىلايحان جۇماش

بولىسۋ: