ۇيىمنىڭ نەگىزگى باعىتى

417
0
بولىسۋ:

Nur Otan پارتيياسىنىڭ كەزەكتەن تىس حىح سەزىنىڭ وتۋىنە وراي «ماگيسترالدىق جەلى بولىمشەسى» بپۇ-ىندا جينالىس وتتى.
وندا باستاۋىش ۇيىم توراعاسى يبراكيم باسىقاراەۆ ەلباسىنىڭ سەزدە ايقىنداپ بەرگەن تورت الەۋمەتتىك جوبالارى الداعى ۋاقىتتاعى ۇيىم جۇمىسىنىڭ نەگىزگى باعىتى بولاتىنىن تىلگە تيەك ەتتى.
– بۇل جوبالار از قامتىلعان, كوپبالالى وتباسىلارعا كومەك كورسەتۋ, اۋىلدىق جەرلەردى كوركەيتۋ, وڭىرلەردى دامىتۋ سيياقتى وزەكتى الەۋمەتتىك ماسەلەلەردى قامتيدى. سوندىقتان بىزدىڭ ۇيىم وسى جوبالاردى تيىمدى جۇزەگە اسىرۋعا جۇمىس ىستەۋى كەرەك. قازىرگى تاڭدا ەلباسى باستاماسىمەن قولعا الىنعان «باقىتتى وتباسى» جوباسى بىزدىڭ ۇيىمدا ناتيجەلى جۇزەگە اسىرىلىپ جاتىر. ۇيىمداعى
69 كوپبالالى وتباسى, 15 از قام­سىز­داندىرىلعان وتباسى, 9 مۇگەدەك بالاسى بار وتباسى, 19 جالعىز­باستى انا, 8-مۇگەدەكتىك توپتاعى قىزمەتكەرلەردىڭ الەۋمەتتىك جاع­دايى تولىق ەسەپكە الىنىپ, ولارعا الەۋمەتتىك تولەمدەر ۋاقىتىلى تولەنىپ وتىرۋى قاتاڭ باقىلاۋعا الىنعان. قولداۋ كورسەتۋ قارجى­لاي دا, ازىق-تۇلىكپەن دە جۇيەلى تۇر­دە جۇرگىزىلىپ وتىرادى, سونى­مەن قاتار مۇگەدەكتىكتە وتىرعان قىز­مەت­­كەرلەردىڭ دە ۇيلەرىندە بو­لىپ, شارۋاشىلىقتارىنا ­كو­مەك كور­سەتۋ داع­دىمىزعا اينال­عان, – دەدى يبرا­كيم باسىقاراەۆ.
جارىس سوزگە شىعىپ سويلەگەن اربىر پارتييا مۇشەلەرى جوبالاردىڭ ناتيجەلى جۇزەگە اسىرىلۋ ماسەلەلەرىنە توقتاپ, جان -جاقتى تالقىلادى.
جيىنعا قاتىسقان Nur Otan پارتيياسى «تەمىرجول» فيليالى توراعاسىنىڭ بىرىنشى ورىنباسارى بازارا تانباەۆا قازاقستاندىقتاردىڭ ال-اۋقاتىن ارتتىرۋعا باعىتتالعان 4 الەۋمەتتىك جوبانى جۇزەگە اسىرۋدىڭ تيىمدى جولدارى تۋرالى ويىمەن بولىستى. ونىڭ ىشىندە «حالىققا كومەك» جوباسىنىڭ ماقساتىن, ازاماتتاردى الاڭ­دات­قان كەز كەلگەن ماسەلەنىڭ جەدەل ارى ناقتى كومەك كورسەتۋىن پارتييانىڭ قوعامدىق قابىلداۋ بولمەلەرى «بىرىڭعاي الەۋمەتتىك تەرەزە» جۇيەسىندە جۇرگىزىلىپ جاتقان جۇمىستارىنا توق­تاپ, ماسەلەلەردىڭ وڭتايلى شەشى­لۋىنە جاسالعان جۇمىس جاع­دايلا­رىن ايتتى. الداعى ۋا­قىتتا ۇيىم بۇدان دا جوعارى كورسەتكىشتەرگە قول جەتكىزىپ, جاڭا قار­قىنمەن جۇمىس ىستەۋ كەرەگىن دە اتاپ وتتى.
جيىن سوڭىندا باستاۋىش ­ۇيىمنان «تەمىرجول» پارتييا فيليالىنىڭ كونفەرەنتسيياسىنا 10 دەلەگات سايلاندى.

ەلميرا جاقسىبايقىزى

بولىسۋ: