بارشامىز ۇشىن ماڭىزدى سات تۋدى

478
0
بولىسۋ:

– قازاقستان پرەزيدەنتىن سايلاۋ قاجەتتىلىكتەن تۋىنداپ وتىر. ەلباسىمىز نۇرسۇلتان ابىشۇلى وكىلەتتىگىن توقتاتامىن دەپ شەشكەننەن كەيىن بۇل پروتسەستىڭ بولارى انىق ەدى. قازىرگى تاڭدا قاسىم-جومارت كەمەلۇلى ۋاقىتشا قىزمەت اتقارىپ وتىر. دەگەنمەن باسى بار دۇنيەنىڭ اياعى بولاتى­نى – زاڭدىلىق. البەتتە, سايلاۋدى وتكىزۋ كەرەك. مۇنى ترانزيتتىك ماسەلە دەپ ايتساق بولادى. حالىقتىڭ دا كوڭىلىندە «سايلاۋ قاشان بولادى, كىم پرەزيدەنت بولادى» دەگەن ساۋالدار جاتقانى انىق. سونىمەن بىرگە, شەت مەملەكەتتەردىڭ دە نازارى قازىرگى تاڭدا بىزگە اۋىپ وتىر. سول سەبەپتى, ەل ىشىندەگى تۇراقتىلىقتى قامتاماسىز ەتىپ, مەملەكەتتىڭ جاڭا كەزەڭىن باستاپ, بەدەلىمىزدى حالىقارالىق ارەنادا ارتتىرۋ ۇشىن ماڭىزدى قادام سانالادى. سايلاۋعا بارشامىز جۇمىلىپ, بەلسەنە ات سالىسۋىمىز كەرەك. ويتكەنى پرەزيدەنت سايلاۋى – الەۋمەتتىك, ساياسي, تاريحي, ەكونوميكالىق تۇرعىدان دا ماڭىزدى ىس-شارا. بۇعان بەيجاي قاراۋعا استە بولمايدى. قاسىم-جومارت توقاەۆ سايلاۋدىڭ ادىل وتەتىنىنە كەپىل بەرگەن بولاتىن. ەندىگى مىندەت – حالىقتىڭ جاپپاي قاتىسۋى. كوڭىلى الاڭ بولعان جۇرت بىرنەشە ايدان كەيىن جاڭا باسشىنى تانيدى. اربىر قازاقستاندىق ۇشىن ماڭىزدى ساتتە ەشكىم تىس قالماۋى تيىس.

زاۋرەش امانجولوۆا,
ماجىلىس دەپۋتاتى,
Nur Otan فراكتسيياسىنىڭ مۇشەسى

بولىسۋ: