Жетісу облысы Ақсу ауданының әкімдігі Қызылағаш су қоймасынан табылған малдың өлексесі туралы мәлімет таратты. Өткен жұма-сенбі күндері Қызылағаш су қоймасы аумағында болжам бойынша суға құлап, тұншыққан 8 бас ешкі, 9 бас қозы, 43 бас қой өлген. Малдың өлексесін судан шығарып, мал қорымына апарып тастады. Қой-ешкінің құлағындағы жапсырмаларына қарап, мал иесін анықтап жатыр. Анықталса, мал иесіне Әкімшілік құқық бұзу туралы кодексі бойынша әкімшілік шара қолданылады.