Көкшетауда «AMANAT» партиясы Саяси менеджмент академиясы ұйымдастырған оқу семинарының екінші кезеңі аяқталды. Оған ауыл және ауылдық округ әкімдері мен партияның аумақтық филиалдарының атқарушы хатшылары қатысты. Енді семинарда білімін жетілдірген ауыл әкімдері тұрғындарды кәсіпкерлікке баулып, бұл бағытта жол сілтей алады.
Бүгінде семинардың үшінші кезеңіне 5 ауданнан 73 әкім қатысып жатыр. Оның екеуі – қала әкімі. Оқу процесінде меңгерген дағдыларды практикада іске асыруға баса назар аударылмақ. Сондықтан семинар барысында қатысушылар алған білімін өзекті кейстерді мысалға келтіре отырып, пысықтайды. Бірі – жем-шөп әзірлігі, бірі – ірі қара мал өсіріп сүт бағытын дамыту, енді бірі ірімшік жасау бағытында бизнес жоспарларын қорғап, кездесетін қауіп-қатерлер бойынша жұмыс істеуді үйреніп жүр.
– Өзіміздің кооперативтің тұрақты 500-дей малы бар деп алайық. Маусымдық пайда көреміз деген ойымыз бар. Үлкен көлем арқылы жетістікке жетуге болады. Тұрақты жұмыспен шамамен 15-тен 50-ге дейін адамды қамтимыз деп шамалап отырмын, – деді ол.Қорғалжын ауылының әкімі Бауыржан Байқадамов семинарда ауылды скринингтен өткізіп, маркетингтік талдау жүргізуді үйреніп жатқанын жеткізді.
– Ауыл экономикасын дамытудың перспективалық бағыттарын айқындаймыз. Әр үйде болып, олармен сөйлесіп, бейімділігіне қарай бір салаға мамандауымыз қажет болады. Ол үшін қазір біз табысы бар деген бизнес жобаларды іске асырудың практикалық дағдыларын игеру үстіндеміз, – дейді Бауыржан
Азат ҚАЗАҚ