Кәрім Мәсімовке қатысты істің мән-жайын ҰҚК төрағасының орынбасары Асқар Амерханов айтып, тергеу ісі қашан аяқталуы мүмкіндігін сөз етті. Ол Ол бұл жайында Мәжіліс отырысынан кейін журналистерге жауап берген.
"Кәрім Мәсімов пен оның орынбасарларын қамауға алу мерзімі әлі белгісіз. Күзге қарай анықталады деп ойлаймын. Менің білуімше, іс материалдары құпия. Сірә, сот жабық өтеді. Мұны сот органдары анықтайды. Бәрібір онда мемлекеттік құпиялар бар", – деді Асқар Амерханов.
Сондай-ақ ҰҚК төрағасының орынбасары қаңтар оқиғасын тергеуі жайында сөз қозғады.
"Іс жүргізу бойынша үш айға ұзартуға құқығымыз бар. Әр үш ай сайын. Тағылған айыптар ауыр", – деді ҰҚК төрағасының орынбасары.
