ОКҚ өткен брифингте Мәдениет және спорт министрі Дәурен Абаев Бозжыра аумағында өркениетті туризмді дамытудың әлеуеті бар, бірақ бұл мәселені қоғаммен, инвесторлармен және экологтермен бірлесіп талқылау қажет деген пікір білдірді.
– Бозжыра трактіне келетін болсақ, әзірге жоспар жоқ. Қазір жай ғана жабайы туризм бар, бақылаусыз. Елестетіп көріңізші, егер Медеу болмаса, адамдар жүрер ме еді? Барды. Жасанды мұзайдындарында жүріңіз. Бірақ ешқандай тазалық пен күтім туралы сөз болған жоқ. Бозжыра алқабында қазір шамамен осындай жағдай, – деді Қазақстанның Мәдениет және спорт министрі Дәурен Абаев.
Бұл ретте ол қонақүй кешенін табиғи шекараға жақын жерде және барлық экологиялық талапты сақтап салу керегін айтты.
– Біз барлық экологиялық талаптарды сақтай отырып, Бозжыра аумағынан тыс жерде қонақүй салуымыз керек. Сонда өркениетті туризмге адамдар келеді. Бізге көп нәрсені дамытуға мүмкіндік береді, жұрт камераларымен келіп, суретке түседі. Туристерді ғана емес, киножобаларды да айтамын. Көптеген нәрсені осы бағытта дұрыс жылжытуға болады. Қонақүй салу мәселесін инвесторлар, жұртшылық, экологтер арасында талқылап, алтын ортаны табуымыз керек, – деді ол.
