«AMANAT» – 2022 медиа сыйлығының жеңімпаздары анықталды

«AMANAT» – 2022 медиа сыйлығының жеңімпаздары анықталды
Сүретті түсірген Әли Ғалым

Бұқаралық ақпарат құралдары қызметкерлері күні қарсаңында «AMANAT» партиясы журналистер арасындағы «AMANAT» – 2022 МЕДИА СЫЙЛЫҒЫ» республикалық байқауының қорытындысын жариялады.

Салтанатты рәсім барысында партияның Атқарушы хатшысы Асхат Оралов бұл медиа сыйлықтың 10 жылдан астам тарихы бар екенін атап өтті. Биыл жаңа форматта ұйымдастырылған байқау жанрлық сипаттан тақырыптық бағытқа ауысып, қосымша Ахмет Байтұрсынов атындағы «Сөз зергері» және Шерхан Мұртаза мен Камал Смаилов атындағы «Телевизия үздігі» арнайы сыйлықтары  енгізілді.

«AMANAT» – 2022 медиа сыйлығының жеңімпаздары анықталды

«АMANAT» медиа сыйлығы –  халықтың үздік журналистерге білдірген алғысы. Себебі журналист – халық үнін жеткізетін, мемлекет мүддесі үшін күресетін тұлға. Осы салтанатты кешке үздіктердің үздігін анықтау үшін жиналып отырмыз. Менің ойымша, журналист деген мамандықты таңдаудың өзі үздік болу. Елімізде Президент Қасым-Жомарт Тоқаевтың жетекшілігімен өте үлкен, тарихи өзгерістер жүріп жатыр. Оның мән-мазмұнын халыққа жеткізу ісі үлкен жауапкершілікті, аса зор шеберлік пен кәсібилікті талап етеді. Бұл міндетті сіздер өте жоғары деңгейде атқарып келесіздер. Байқау Жаңа Қазақстанды құру ісінде еліміздің ақпараттық кеңістігін күшейтуге ықпал етері сөзсіз», - деді Асхат Оралов.

Байқау комиссиясының төрағасы, белгілі журналист, ақын, «AMANAT» партиясынан сайланған Мәжіліс депутаты Жанарбек Әшімжанның айтуынша, биыл қазылар алқасына 260-тан астам өтінім жолданған.

«Биыл келіп түскен жұмыстардың 70%-дан астамы тек аймақтық бұқаралық ақпарат құралдарынан, яғни өңірлерден жолданғаны қуантты. Жас журналистер де белсенділік танытты. Яғни, отандық журналистикада қаламы төселген мэтрлермен қатар жас мамандардың тарапынан да үлкен қызығушылықты байқадық. Әрине, бұл байқау олардың шығармашылық шеберлігін шыңдай түсері анық. «AMANAT» медиа сыйлығының басты мақсаты да сол», - деп атап өтті Жанарбек Әшімжан.

«AMANAT» – 2022 медиа сыйлығының жеңімпаздары анықталды
©Р.Фахрутдинов

Сонымен, байқау комиссияның шешімімен «AMANAT» – 2022 МЕДИА СЫЙЛЫҒЫНЫҢ жеңімпаз болып:

«Жаңа Қазақстанды» құру туралы үздік материал» номинациясы бойынша – «КТК» телеарнасының тілшісі Асқарбек Қазанғап;

«AMANAT» – 2022 медиа сыйлығының жеңімпаздары анықталды

«Әлеуметтік мәселеге арналған үздік материал» номинациясы бойынша – «Прикаспийская коммуна» қоғамдық-саяси газетінің аға тілшісі Анжела Ли;

«AMANAT» – 2022 медиа сыйлығының жеңімпаздары анықталды

«Аймақ туралы үздік материал» номинациясы бойынша – «Хабар24» телеарнасының Ақмола облысы бойынша тілшісі Дамир Шайдаров;

«AMANAT» – 2022 медиа сыйлығының жеңімпаздары анықталды
©Р.Фахрутдинов

«Жастар туралы үздік материал» номинациясы бойынша – «Dalanews.kz» ақпараттық агенттіктің Абай облысындағы тілшісі Қуаныш Смағұлов;

«AMANAT» – 2022 медиа сыйлығының жеңімпаздары анықталды
©Р.Фахрутдинов

«Рухани-мәдени дамуға арналған үздік материал» номинациясы бойынша – «Хабар» телеарнасының тілшісі Индира Жылқайдарова;

«AMANAT» – 2022 медиа сыйлығының жеңімпаздары анықталды

«Мемлекеттік рәміздерінің 30 жылдығы туралы үздік материал» номинациясы бойынша – Жаңақорған аудандық «Жаңақорған тынысы» газетінің тілшісі Әлібек Жарықбаев;

«AMANAT» – 2022 медиа сыйлығының жеңімпаздары анықталды

«AMANAT» партиясының трансформациясы туралы үздік материал» номинациясы бойынша – ҚР Президенті Телерадиокешенінің режиссері Вадим Ширяев марапатталды.

«AMANAT» – 2022 медиа сыйлығының жеңімпаздары анықталды

Арнайы сыйлықтардың иегерлері:

Ахмет Байтұрсынов атындағы «Сөз зергері» сыйлығы – «Egemen Qazaqstan»  республикалық газетінің Түркістан облысы бойынша тілшісі Ғалымжан Елшібай;

«AMANAT» – 2022 медиа сыйлығының жеңімпаздары анықталды

Шерхан Мұртаза мен Камал Смайылов атындағы «Телевизия үздігі» сыйлығы – «Qazaqstan» ұлттық телеарнасының ақпараттық-сараптамалық бағдарламалар дирекциясының басшысы Жалғас Алтаев;

«AMANAT» – 2022 медиа сыйлығының жеңімпаздары анықталды
©Р.Фахрутдинов

«Белсенді азаматтық ұстанымы үшін» сыйлығы – блогер, мотивациялық кітаптардың авторы, тележүргізуші Дәулет Мұқаевқа берілді.

«AMANAT» – 2022 медиа сыйлығының жеңімпаздары анықталды

Өз кезегінде, байқау жеңімпаздарының бірі Индира Жылқайдарова жаңғыру жолына түскен «AMANAT» партиясының медиа сыйлығына ие болу үлкен мәртебе екенін атап өтті.

«AMANAT» – елдің сенімін, аманатын арқалаған партия. Бүгін менің Мұқағали Мақатаевтың 91 жылдығы туралы жасаған бейнематериалым еленіп жатыр. Біздер, яғни журналисттер қауымы, «AMANAT» партиясы да елдің игілігі, қоғамның дамуы жолында қызмет етіп жүрміз. Ел қамы үшін еңбек ете беріңіздер», - деді ол.

Өзінің жүрекжарды лебізімен «Жаңақорған тынысы» газетінің тілшісі Әлібек Жарықбаев та бөлісті. «Осындай үлкен бәйгенің жүлдесі бұйырады деп күтпедім. Аудандық газетте жұмыс істеп жүріп, республикалық байқаудың жеңімпазы болу, біздерге шалқар шабыт сыйлап, шығармашылығымызды шыңдай түседі. «AMANAT» партиясының сенімін арқаладық, енді осы жолдан таймай, ұлтқа қызмет етуді жалғастырамыз», - деді журналист.

 

Aikyn.kz | Бүгінгі жаңалықтар. Әлем және Қазақстан жаңалықтары.