Қатты ыстық: еліміздің 11 облысында дауылды ескерту жарияланды

ыстық
Фото: egemen.kz

Ауа райына байланысты 26 маусымда еліміздің 11 облысына дауылды ескерту жарияланды.

Күндіз Қарағанды облысының орталығында, оңтүстігінде, шығысында найзағай ойнайды деп күтіледі. Солтүстік-батыстан, батыстан жел соғады, күндіз оңтүстікте, шығыста, облыс орталығында соққан желдің екпіні 15-20 м/с жетеді, күндіз облыстың басым бөлігінде 35-39 градус қатты ыстық сақталады. Қарағандыда күндіз солтүстік-батыстан соққан желдің екпіні 18 м/с жетеді, күндіз Ұлытау облысының солтүстік-батысында найзағай ойнайды деп күтіледі. Облыстың басым бөлігінде 35-39 градус қатты ыстық болады.

Ақмола облысының басым бөлігінде найзағай ойнайды деп күтіледі. Күндіз өңірдің батысында, оңтүстігінде, шығысында бұршақ түсіп, дауыл тұрады. Облыстың батысы, солтүстігі, шығысында солтүстік-батыстан жел соғады, екпіні 15-20 м/с құрайды.

Абай облысының батысында төтенше өрт қаупі сақталады.

Батыс Қазақстан облысының солтүстік-шығысында солтүстік-батыстан жел соғады, күндіз екпіні 15-20 м/с жетеді.

Түнде Ақтөбе облысының солтүстік-шығысында найзағай ойнайды деп күтіледі. Солтүстік-батыстан, солтүстіктен жел соғады, күндіз облыстың солтүстік-шығысында соққан желдің екпіні 15 м/с жетеді.

Күндіз Алматы облысының оңтүстік-шығысында және таулы аудандарында найзағай ойнайды деп күтіледі. Оңтүстік-шығыстан соққан жел оңтүстік-батысқа ойысып, күн күркіреген кездегі екпіні 15 м/с жетеді, күндіз 37 градус ыстық болады. Қонаев қаласында 26 маусымда күндіз 37 градус қатты ыстық болады. Күндіз Жетісу облысының шығысында оңтүстік-шығыстан жел соғады, екпіні – 15-20 м/с, күндіз 37 градус қатты ыстық болады. Талдықорғанда күндіз 37 градус ыстық сақталады.

Қостанай облысының түнде батысында, күндіз оңтүстігінде, шығысында найзағай ойнап, бұршақ түседі деп күтіледі. Солтүстік-батыстан соққан желдің екпіні 15-20 м/с жетеді.

Қызылорда облысында 40-44 градус қатты аптап ыстық болады. Күндіз облыс орталығында солтүстік-батыстан 15-20 м/с жылдамдықпен жел соғады, облыстың басым бөлігінде төтенше өрт қаупі сақталады. Қызылордада 40-42 градус қатты ыстық сақталады. Төтенше өрт қаупі сақталады.

Павлодар облысының түнде солтүстігінде, күндіз тағы солтүстігінде, оңтүстігінде найзағай ойнап, бұршақ түседі, дауыл тұрады деп күтіледі. Күндіз 35-37 градус қатты ыстық сақталады. Облыстың оңтүстігінде солтүстік бағыттан 15-20 м/с жылдамдықпен жел соғады, Павлодар облысының оңтүстігінде төтенше өрт қаупі сақталады. Павлодар қаласында найзағай ойнап, бұршақ түседі деп күтіледі. Күндіз 36 градусқа дейін қатты ыстық сақталады. Батыстан 15-20 м/с жылдамдықпен жел соғады.

Түнде Солтүстік Қазақстан облысының басым бөлігінде жаңбыр жауады. Облыстың оңтүстік-батысында, солтүстігінде, шығысында найзағай ойнайды деп күтіледі. Солтүстіктен соққан екпіні жел облыстың оңтүстік-батысында, солтүстігінде, шығысында 15-20 м/с құрайды.

Күндіз Жамбыл облысының таулы аудандарында найзағай ойнап, бұршақ түседі деп күтіледі. Таңертең және күндіз 26-27 маусымда облыстың солтүстік-батысынан, батысында, солтүстік-шығысында, таулы аудандарда 15-20 м/с жылдамдықпен жел соғады. Таразда күндіз солтүстік-батыстан жел соғады, екпіні - 15-20 м/с, күндіз 38 градус қатты ыстық болуы мүмкін.

 

 

Aikyn.kz | Бүгінгі жаңалықтар. Әлем және Қазақстан жаңалықтары.