Азия чемпионатында таэквондошыларымыз қос медаль еншіледі

Азия чемпионатында таэквондошыларымыз қос медаль еншіледі

Таэквондодан Азия біріншілігінде Қазақстан қос медаль еншіледі. Бұл туралы ақпаратты Қазақстан таэквондо федерациясының баспасөз қызметі жариялады.

Дениз Жансель жартылай финалда ливандық қарсыласын 2:0 есебімен жеңді. Алайда алтын үшін күресте ол Иран спортшысына есе жіберді. Нәтиже 73 келі салмақтағы күміс медаль.

Смайыл Дүйсебай үздік үштікке енді. 87 келі салмақ дәрежесінде Дүйсенбай алғашқы жекпе-жегін 2:1 есебімен ұтты. Оның қарсыласы Қытайдан келген спортшы болды. Өкінішке қарай, жартылай финалда отандасымыз Өзбекстан спортшысынан 1:2 есебімен ұтылды.

87 келіден жоғары салмақта Руслан Жапаров қытайлық таэквондошыға есе жіберді. Есеп –  0:2.

Aikyn.kz | Бүгінгі жаңалықтар. Әлем және Қазақстан жаңалықтары.