Жыл басынан бері 116 адам суға батып кетті: ТЖМ қазақстандықтарға үндеу жасады

Жыл басынан бері 116 адам суға батып кетті: ТЖМ қазақстандықтарға үндеу жасады

Жыл басынан бері еліміздің су айдындарында 116 адам, оның ішінде 42 кәмелеттік жасқа толмаған бала суға батып қайтыс болды, деп хабарлайды Төтенше жағдайлар министрлігі.

Министрлік өкілдері азаматтарға судағы қауіпсіздік қағидаларын сақтауға кеңес береді. Жыл басынан бері құтқарушылар бассейндерде 53 166 баланы жүзуге үйреткен.

«Елімізде шомылуға рұқсат етілген 497 орын бекітілген. Еліміздің су айдындарында суға шомылуға болмайтыны және тыйым салынғаны туралы 4 195 ескерту белгісі орнатылған», - деп атап өтті ведомство өкілдері.

Шомылу маусымы басталғалы бері Ішкі істер министрлігінің және әкімдіктердің өкілдері еріктілермен бірлесіп 16 412 патрульдеу мен рейдтер жүргізді. Бұл жұмыстарға 43 888 адам жұмылдырылды. Соның нәтижесінде заң талаптарын бұзған 1 417 адам әкімшілік жауапкершілікке тартылды.

Жыл басынан бері еліміздің су айдындарында 75 адам, оның ішінде 17 бала құтқарылды. Суға шомылу маусымы басталғаннан бері (1 маусым) 46 адам, оның ішінде 8 бала құтқарылды.

«Қабылданып жатқан шараларға қарамастан, жыл басынан бері еліміздің су айдындарында жыл басынан бері 116 адам, оның ішінде 42 кәмелеттік жасқа толмаған бала суға батып қайтыс болды. 2021 жылдың ұқсас кезеңінде 137 адам, оның ішінде 63 бала суға батып қайтыс болған. Қайтыс болған адамдардың саны 15,3%-ға, балалардың саны 33,3%-ға азайды», - делінген ТЖМ хабарламасында.

Айта кетерлігі, 1 маусымнан бастап еліміздің су айдындарында 71 адам, оның ішінде 29 бала суға батып қайтыс болды (2021 жылы 75 адам, оның ішінде 25 бала көз жұмған. Қайтыс болған адамдардың саны 10,1%-ға, балалардың саны 13,7%-ға азайды).

Қиын жағдайға тап болмас үшін, судағы қарапайым қауіпсіздік ережелерін қатаң сақтау қажет:

1) «Шомылуға тыйым салынады», «Сүңгуге тыйым салынады», «Қауіпті!» деген белгілері орнатылған орындарда суға шомылмаңыз;
2) мас күйінде шомылмаңыз;
3) жүзудің шекарасы белгіленген буйкадан асып жүзбеңіз;
4) шағын көлемді кемелерге және басқа да жүзу құралдарына жүзбеңіз;
5) тексерілмеген және жабдықталмаған жерлерде суға түспеңіз;
6) жүзуге арналмаған заттармен жүзбеңіз;
7) қайықтардан, катерлерден, айлақтардан, табиғи түзілімдерден (жартастар, жартастар, қойтастар, парапеттер, қоршаулар және басқа да заттар), сондай-ақ осы мақсаттарға бейімделмеген құрылыстардан суға секірмеңіз;
8) Ең бастысы, балаларды су айдындарының жанында қараусыз қалдырмаңыз және ересектердің қарауынсыз шомылуға жол бермеңіз.

Aikyn.kz | Бүгінгі жаңалықтар. Әлем және Қазақстан жаңалықтары.