IBF, WBA Super және IBO тұжырымдамалары бойынша орта салмақтағы әлем чемпионы Геннадий Головкин рингтен кету туралы әлі ойламағанын айтты. Бұл туралы Sports.kz хабарлады.
"Сіз 40 жастасыз. Қай уақытқа дейін жұдырықтасуды жалғастырасыз? Егер сіз жеңсеңіз ("Канеломен" үшінші жекпе-жекте), GGG тоқтауы мүмкін бе?", - деп сұрады TMZ тілшісі.
"Ешкім білмейді... Жоқ деген дұрыс шығар. Мен әлі дайын емеспін", - деп жауап берді Головкин.
Еске салсақ, 17 қыркүйекте Лас-Вегаста GGG мексикалық Сауль "Канело" Альвареске қарсы үшінші жекпе-жек өткізеді. Головкин екінші орта салмаққа көтеріледі, ал "Канело" абсолютті әлем чемпионы атағын ортаға салады.
Алғашқы екі жекпе-жектің нәтижесі: 2017 жылдың қыркүйегінде жекпе-жек тең нәтижемен аяқталды. Бір жылдан кейін мексикалық жеңіске жетті.
