Президенттің бүгінгі отырыста қабылдаған шешімдерінің ешқандай саяси астары жоқ – Руслан Желдібай

Руслан Желдібай
Руслан Желдібай / Primeminister.kz

Президенттің баспасөз хатшысы Руслан Желдібай әлеуметтік желідегі парақшасында Мемлекет басшысының еліміздің көлік-транзиттік әлеуетін дамыту жөнінде өткізген кеңесіне байланысты журналистер тарапынан сұрақтар түсіп жатқанын жазды. 

"Бұл жерде, ең алдымен, геосаяси тұрақсыздық жағдайында Қазақстан көмірсутегін халықаралық нарықтарға жеткізу бағыттарын әртараптандыру туралы сөз болып отыр. Жиында жаңа көлік дәліздерін ашу мәселесі талқыланды. Бұл бір күндік жұмыс емес, ұзақ мерзімді жоспар. Шын мәнінде, қабылданған шешімдердің ешқандай саяси астары жоқ", – деп жазды ол.

Айтуынша, Ресей біздің стратегиялық серіктесіміз әрі одақтасымыз болып қала береді.

"Оның мүддесіне нұқсан келтіретін қандай да бір іс-әрекеттерге жол берілмейді. Қазақстан тарапына қатысты да осындай әрекеттер жасалмайды деп үміттенеміз", – деп аяқтады сөзін ол.

Aikyn.kz | Бүгінгі жаңалықтар. Әлем және Қазақстан жаңалықтары.