Жамбыл облысына жұмыс сапары барысында ҚР Парламенті Мәжілісінің депутаттары Мейрамбек Төлепберген мен Гүлдара Нұрымова Қаракемер ауылындағы дәрігерлік амбулатория құрылысымен танысты. Сондай-ақ халық қалаулылары амбулатория құрылысын жүргізіп жатқан «ҚазМұнайҚұрылыс» ЖШС өкілдерімен және жұмысшыларымен кездесіп, құрылыс жұмыстарындағы проблемалық мәселелерді талқылады.
Мәжіліс депутаты Мейрамбек Төлепберген бұл «AMANAT» партиясының 2021-2025 жылдарға арналған «Өзгерістер жолы: Әр азаматқа лайықты өмір!» атты Сайлауалды бағдарламасын іске асыру жөніндегі Жол картасы аясында бой көтеріп жатқан әлеуметтік нысан екенін айта келіп, құрылыс жұмысының сапасы мен жоспарлы уақытта аяқталуы депутаттардың бақылауында екенін жеткізді.
Айта кету керек, нысан құрылысы өткен жылдың 19 қазанында басталған. Жақын уақытта пайдалануға берілмек. 1600-ден астам ауыл халқына қызмет ететін мамандарда дайын.
Ал аудан әкімдігі дәрігерлік амбулаторияның бұрынғы ескі ғимаратын тұрғын үй ретінде қайта жасақтап, ауыл дәрігерлерін баспанамен қамтамасыз етпек.
