Президент Қасым-Жомарт Тоқаев Жапонияның бұрынғы премьер-министрі Синдзо Абэнің тезірек сауығып кетуін тіледі. Бұл туралы Қасым-Жомарт Тоқаев Instagram парақшасында жазды.
«Жапонияның бұрынғы премьер-министрі Синдзо Абэге жасалған қастандықты Қазақстан жұртшылығы ауыр қабылдап, алаңдаушылық білдіріп отыр. Белгілі саясаткердің тезірек сауығып, отбасына оралуына тілектестік білдіремін», – деп жазды Қасым-Жомарт Тоқаев.Бүгін таңертең Жапонияның бұрынғы премьер-министрі Синдзо Абэге қастандық жасалды.