Мемлекеттік кірістер комитеті жаңа жоба арқылы әлеуметтік маңызы бар азық-түлік тауарлары мен көмірдің бағасын қадағалуды жалғастыруда. Биылғы 30 сәуірден басталған жобаның басты мақсаты – азық-түлік қауіпсіздігін қамтамасыз ету, инфляцияның өсімін болдырмау және азық-түлік тауарларына бағаның негізсіз көтерілуіне жол бермеу.
«Жоба ел аумағында биылғы 31 желтоқсанға дейін жұмыс істейді. Әлеуметтік маңызы бар азық-түлік тауарларын және таскөмірді қадағалау электронды шот-фактуралардың ақпараттық жүйесі негізінде жүргізіледі. Барлық әлеуметтік маңызы бар азық-түлік тауарларын өткізушілер электронды шот-фактуралардың ақпараттық жүйесі esf.gov.kz порталына тіркелуі тиіс. Сонымен қатар ақшалай есеп айырысуды жүзеге асыруда, оның ішінде жеке тұлғаларға бөлшек саудада өткізу кезінде бақылау-касса машинасының чегін ұсыну қажет» делінген комитет таратқан хабарламада.
