Түркістан облысында жұмыс берушінің квадроциклін сатып жіберген шопан ұсталды

Түркістан облысында жұмыс берушінің квадроциклін сатып жіберген шопан ұсталды
Фото: news.myseldon.com

Оқиға Түркістан облысы Қазығұрт ауданында болған. Қазығұрт аудандық полиция бөлімінің мәліметінше, жергілікті тұрғын қойшысына берген квадроциклді таппай қалған, – деп жазады zakon.kz.

Әйелдің арызы негізінде полиция жедел әрекет етіп, ұрыны ұстады.

Күдікке ілінген шопанның ұрлыққа қатысы барын анықтады.

Жәбірленушіге келген шығын көлемі – 500 мың теңгеге жуық.

Шопан квадроциклді сатып, ақшасын жеке басының пайдасына жаратып жіберген.

Әйелдің қойын баққан ер адамды қамауға алып, оған қатысты ҚР ҚК-нің 189-бабы (Сеніп тапсырылған бөтен мүлікті иемденіп алу немесе талан-таражға салу) бойынша сотқа дейінгі тергеу жүргізіліп жатыр.

Бұған дейін фермер қол астындағы жұмысшысын Lexus-470 көлігімен таптап өткенін жазған болатынбыз. Шопанның жауырыны мен 9 қабырғасы сынып, әйелі араша сұраған еді.

Aikyn.kz | Бүгінгі жаңалықтар. Әлем және Қазақстан жаңалықтары.