Қазақстандықтар Мәсімовтің қайда екенін хабарлаған. 12 млн теңге сыйақы берілді ме?

Мәсімов

Сыбайлас жемқорлыққа қарсы іс-қимыл агенттігі Павлодар облысы Полиция департаментінің бұрынғы басшысы Нұрлан Мәсімовтің жүрген жері  туралы хабарлаған адамға сыйақы берілді ме деген сауалға жауап берді. 

Агенттіктің ресми өкілі Арман Тілеукенов Informburo.kz-ке қазақстандықтардан  1424 call-орталығы мен агенттіктің әлеуметтік желілері арқылы хабарламалар түскенін хабарлады.

"Экстрасенспін" деп шыққандар да болды, өз қызметін ұсынды. Бірақ бірде-бір факт расталмады және сәйкесінше бұл жағдайда сыйақы берілмейді", – дейді Арман Тілеукенов.

Нұрлан Мәсімов 13 шілдеде Шығыс Қазақстан облысының аумағында Ресей шекарасынан жалған құжаттармен өтпек болған жерінен ұсталды.

Павлодар облысы полиция департаментінің экс-бастығы аса ауыр сыбайлас жемқорлық қылмысын жасағаны үшін іздестірілген.

Нұрлан Мәсімовтің қайда жүргені туралы ақпарат бергені үшін 12 млн теңгеге дейін сыйақы жарияланған болатын.

Нұрлан Мәсімов – ҰҚК экс-басшысы Кәрім Мәсімовтің немере інісі.

 

Aikyn.kz | Бүгінгі жаңалықтар. Әлем және Қазақстан жаңалықтары.