Тәулігіне 4 мың адам жұқтырады: Ажар Ғиният коронавирус бойынша 3 айға арналған болжаммен таныстырды

коронавирус
Фото: Станислав Красильников/ТАСС

Денсаулық сақтау министрі Ажар Ғиният коронавирус бойынша 3 айға арналған болжамды жариялады.

«Өздеріңіз білетіндей, Денсаулық сақтау министрлігі ай сайын алдағы 3 айға арналған болжамын жаңартып отырады. Пессимистік сценарийде ең көп тіркелген жағдайлар тәулігіне 4 000 науқасқа дейін, реалистік сценарийде тәулігіне 2 500 жағдайға дейін, оптимистік сценарийде тәулігіне 1 000 жағдайға дейін болады. Сырқаттанушылық тамыз айында өседі. Тамыз-қыркүйек айының соңында төмендей  бастайды», - деді Ажар Ғинаят Орталық коммуникациялар қызметі алаңында өткен брифингте.

Министр қазақстандықтарды өз денсаулығына қамқор болуға шақырды. Қоғамдық орындарда және көлікте бетперде тағу керек. Аурудың алғашқы белгілері байқалса, дәрігерлерге хабарласу қажет.

Aikyn.kz | Бүгінгі жаңалықтар. Әлем және Қазақстан жаңалықтары.