Тамызда қазақстандықтар қанша күн демалатыны белгілі болды

демалыс
© tipografia.com.ua

Тамыз айында аптасына 5 күн жұмыс істейтін қазақстандықтар 9 күн демалады. Бұл туралы мәлімет eGov.kz порталында жарияланды. 

30 тамыз – Конституция күні. Бұл дата биыл сейсенбіге түсіп тұр. Осыған байланысты аптасына 5 күн жұмыс істейтін қазақстандықтар үшін сенбі, 27 тамыз жұмыс күні болады. Дегенмен азаматтарға 28, 29, 30 тамызда қатарынан 3 күн демалыс берілмек.

Осылайша, аптасына 5 күн жұмыс істейтін тұрғындар тамызда 22 күн жұмыс істеп, 9 күн демалады.

Ал аптасына 6 күн жұмыс істейтіндер үшін тамызда 26 жұмыс күні мен 5 демалыс күні бар.

Aikyn.kz | Бүгінгі жаңалықтар. Әлем және Қазақстан жаңалықтары.