Әдеби «Оскар» табысталды

11 ақпанда Алматыда  «Алтын қалам» әдеби жүлде­сі аясында әдеби «Оскар» сыйлығы табыс етілді.

Аталған сыйлық бүгін­гі заман әдебиетін да­мы­­ту­ға елеулі үлес қо­с­­­қан қаламгерлерге бе­рі­­­­ле­ді. Жеңімпаздар Әл­ем­­­­­дік экономика және са­я­­­­сат институтының әлеу­­ме­­т­танушысы Айман Жүсі­по­­ва жетекшілік еткен әлеу­­­­меттік зерттеудің қоры­­тын­­­ды­сы бо­­йын­ша анық­тал­­­ды. Зерт­теуге әдебиет, ғы­­лым, биз­нес саласындағы бе­делді 70-тен астам сарапшы қа­тысып, қазақстандық әде­биет­тің даму барысы мен бү­­гінгі кітап нары­ғының жағ­да­­йына бай­ла­нысты жеке пікір­лерін білдірді. Сонымен:

1. Жылдың үздік баспасы – Досым Сәтпаев.

2. Жылдың әдеби дебюті – Ержан Рашев. «Человек на балконе. Дневник алма­тинского лазура».

3. Кiтап like (оқырмандар таңдауы) – «Черная звезда». Авторы Юрий Серебрянский, Бакытжан Момышулы.

4. Әлеуметтік мәнге ие тақырыпқа арналған үздік шы­ғарма – «Живая память. Сталинизм в Казахстане – Прошлое. Память. Преодо­ле­ние». Коллективная моно­графия.

5. Жылдың үздік меце­на­ты (Әдебиетке көрсеткен қолдауы үшін) – Досым Сәтпаев.

Жеңімпаздарға сыйлық ретінде таңдап алынған мү­сінде білім мен күш-қуат­тың символы ретінде кі­тапты ба­сынан жоғары кө­тер­ген әйел бейнеленген. Бұл мү­сін «Эльдани» қайы­рым­ды­лық қорының сәндік-қол­дан­­балы шеберханасында дайындалды. Ерекше ше­бер­­хананы мүмкіндігі шек­теу­лі жандар ашып отыр. Ма­рапаттау шарасында ұйым­­дастырушылардың бірі Кен­же Жұманұлы қазіргі за­ма­науи әдебиет өміріміздің, тұрмыс-тіршілігіміздің айна­сы екенін, әдеби «Оскар» қа­лам­герлер үшін мәртебе әрі қолдау болатынын атап өтті. «Осымен үшін­ші рет сим­воликалық ма­ра­­­­па­ты­мызды табыс­тай оты­­рып, біз­дің тұрақ­ты де­­меу­шілеріміз бен серік­тес­­­терімізге алғысы­мыз­­ды біл­діреміз», – деді Кенже Жұманұлы.

Ж.НҰРЛАНҰЛЫ