26 шілдеге арналған ауа райы болжамы
26 шілдеге арналған ауа райы болжамы
Қазгидромет 26 шілдеге арналған ауа райы болжамын жариялады. Қазгидромет мәліметінше, Қазақстанның батыс бөлігінде, күндіз солтүстігінде, оңтүстік - шығысындағы таулы аудандарда атмосфералық фронталды бөліктердің әсерінен жаңбыр жауады, Ақтөбе облысының солтүстігінде найзағай ойнап, бұршақ жауады, дауыл тұрып, нөсерлетеді. Күндіз Қызылорда облысының солтүстігінде шаңды дауыл тұрады. Республика бойынша желдің жылдамдығы секундына 15-20 метрге дейін күшейеді, Қазақстанның шығыс бөлігінде күн жауын-шашынсыз болады. Түркістан, Қызылорда, Жамбыл, Жетісу, Алматы облыстарының басым бөлігінде, Атырау облысының оңтүстігінде, Ұлытау облысының шығысында төтенше өрт қаупі сақталады. Күндіз Жетісу, Жамбыл, Түркістан, Қызылорда, Атырау, Солтүстік Қазақстан облыстарының басым бөлігінде, Қостанай, Қарағанды облыстарының оңтүстігінде, Алматы облысының тау бөктеріндегі аудандарында қатты ыстық болады. Күндіз Алматы облысының басым бөлігінде, Жамбыл облысының батысы мен оңтүстігінде, Жетісу облысының солтүстігі мен шығысында аптап ыстық сақталады.