Оралда үстіне футбол қақпасы құлаған 11 жасар бала көз жұмды. БҚО денсаулық сақтау басқармасының баспасөз қызметінің мәліметінше, оқиға кеше кешке орын алған.
«Балалар алаңында 2011 жылғы ұл баланың үстіне футбол қақпасы құлап кеткен. Салдарынан ашық және жабық бас-ми жарақатын алған бала сағат 22.10-да жақын маңдағы емдеу мекемесі – қалалық көпбейінді ауруханаға жеткізілді. Дәрігерлердің бар күш-жігерін жұмсағанына қарамастан, бала жарты сағаттан кейін қайтыс болды» делінген ресми ақпаратта.