Түркістан облысында жол апатынан 4 адам қаза тапты

Түркістан облысында жол апатынан 4 адам қаза тапты
Фото: yandex.kz

Түркістан облысы Полиция департаментінің мәліметінше, жол апаты бүгін Ордабасы ауданы маңында шамамен түнгі сағат 02.00 болған.

«Шымкент-Бадам-Арыс» тасжолының Сарыарық ауылы тұсында Lada Priora мен «ВАЗ-21099» көлігі бетпе-бет соқтығысқан.

Жол апаты салдарынан жарақат алған Lada Priora көлігінің жүргізушісі мен 3 жолаушы ауруханаға жеткізілді. Алайда жолаушының біреуі ауруханада қайтыс болды.

Бұдан бөлек, «ВАЗ-21099» көлігінің жүргізушісі мен 2 жолаушысы оқиға орнында көз жұмған.

ҚК-нің 345-бабы 4-бөлігі бойынша сотқа дейінгі тергеу жүргізіліп жатыр.

Aikyn.kz | Бүгінгі жаңалықтар. Әлем және Қазақстан жаңалықтары.