Ыстықкөлдегі демалыстан қайтып келе жатқан екі қазақстандық жол апатынан көз жұмды

Ыстықкөлдегі демалыстан қайтып келе жатқан екі қазақстандық жол апатынан көз жұмды
Фото: vmnews.ru

Ыстықкөлдегі демалыстан қайтып келе жатқан екі қазақстандық жол апатынан көз жұмды, - деп хабарлайды Tengrinews.kz.

Қырғызстан ІІМ жол қауіпсіздігін қамтамасыз ету бас басқармасы баспасөз қызметінің мәліметінше, оқиға 2 тамызда сағат 15.20 шамасында Шырпықты және Тору-Айгыр ауылдары арасында болған.

"Балықшы - Ананьево - Қаракөл тасжолында Opel Zafira көлігінің жүргізушісі рөлге ие бола алмай қалған. Алдын ала мәлімет бойынша, көліктің дөңгелегі жарылған. Салдарынан 1982 және 1966 жылы туған жолаушылар оқиға орнында қаза болды. Ал жүргізуші мен 2001 жылы туған егіз түрлі жарақатпен Балықшы қалалық ауруханасының жансақтау бөліміне түсті", - делінген ведомство хабарламасында.

Жүргізуші есін жимастан, ауруханада қайтыс болды.

"Қазақстандықтар Қара-Балта қаласындағы туыстарына келген, сол жерден үш көлікпен Ыстықкөл облысына демалуға кеткен. Қайтар жолда үш көлік те колоннамен жүріп, ортасында Opel Zafira болған. Апат салдарынан көлік аударылып қалды", - деді баспасөз қызметіндегілер.

Бұл дерек Ыстықкөл ауданының ішкі істер органдарына тіркеліп, тиісті сараптамалар тағайындалды. Тергеу амалдары жүргізіліп жатыр.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.