Головкин Қазақстанда жұдырықтаспақ

головкин

­Қазақстандық боксшы Геннадий Головкин туған елінде жекпе-жек өткізуді жоспарлап отырғанын айтты.

Головкин Compas On The Beat басылымына берген сұхбатында 17 қыркүйекте Сауль «Канело» Альвареспен өткен үшінші жекпе-жектен кейін бокстағы мансабын аяқтау жоспары жоқ екенін, ал зейнетке шықпас бұрын қазақстандық жанкүйерлер үшін үлкен шоу көрсеткісі келетінін айтты.

 – Болашақта кіммен, қалай және қайда жекпе-жек өткізуге қатысты жоспарым көп. Менің сүйікті Қазақстаным бар, онда бокс кешін өткізу керек деп ойлаймын, үлкен жоспарларым бар, – деді Геннадий.

Геннадий кәсіпқой мансабында Қазақстанда бір-ақ рет жекпе-жек өткізген. 2010 жылы 16 желтоқсанда Нұр-Сұлтанда өткен жекпе-жегінде колумбиялық Нилсон Тапияны нокаутқа түсірген еді.

Aikyn.kz | Бүгінгі жаңалықтар. Әлем және Қазақстан жаңалықтары.